104
16
6
| 餐廳: | 泰基隆 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵深水埗站 A2 出口, 步行約3分鐘
繼續閱讀
電話號碼
21101941
開飯介紹
由正宗泰廚主理的地道泰菜，主打多款即叫即燒的泰式串燒，各式各樣的泰國菜都有供應，價錢大眾化。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
-
網上訂座服務暫停
今日見到一間好評都幾多嘅間餐廳嚟咁我哋今次就去咗深水埗呢間叫做泰基隆嘅餐廳食泰國菜跟住我哋最後叫咗三樣嘢食嘅一個小菜仲有一個炒飯啦，同埋另一個炒金邊粉你都起身三樣嘢，我都覺得OK唔錯嘅味道適中炒個炒飯都唔算話太乾炒飯都幾入味嘅跟住就話金邊粉金邊粉落落去，雖然好似麻麻哋感覺，但係食落其實都係一個唔錯嘅最後總結係呢間係深水埗我都覺得一間叫做味道唔同嘅泰國餐廳嚟嘅價錢又唔算話特別貴得閒過嚟食個晚餐都係一個唔錯嘅泰國菜嘅選擇黎
繼續閱讀
我呢排喺深水埗返工，晏晝食嚟食去都係西九龍上邊嗰啲food court啊附近啲茶餐廳，今日呢就專登去睇吓有冇啲我想食嘅泰國菜啦就搵到呢一間，評分都算幾多，所以就去試一試啦。咁我同一個同事去啦，我哋一個人呢就嗌咗豬頸肉蛋飯，佢就嗌咗肉鬆海鮮炒飯。咁講返個服務體驗啦，咁啲員工呢就真係泰國人嚟嘅都識少少廣東話，成個感覺都係俾人覺得真係一間好正宗嘅泰菜咁樣，而且環境都尚算坐得舒服嘅。而講吓嗰兩個飯啦咁第一嗰啲豬頸肉呢就唔會柴咬落去有啲肉汁，我覺得係幾好食㗎啦，而另外嗰個海鮮肉碎炒飯呢啲肉鬆同海鮮都多！ 同個飯嘅比例呢都差差唔多啱啱好啦，咁所以都唔錯好食。再加埋個價錢50-60蚊搞掂絕對係值得一試！
繼續閱讀
今日去到餐廳，個店員話5分鐘之後有枱，跟住等咗15分鐘未有枱我入去問佢，跟住佢發癲喺度話有枱你唔信，跟住捉住我件衫跟住就趕我走。因為入邊空氣非常之惡劣，一入到去就咳得好犀利我冇辦法講嘢，佢都一直好似發癲咁喺度講我走！一間非常之黐線嘅餐廳。
繼續閱讀
先黎串燒6串88蚊，同出面d串燒好似無食飽飯唔同，呢到一串係半隻手咁大。可能火唔夠大燒得唔夠乾身，但就keep到入面有水份，depends你中意香口d定juicy d. 比足料你算係咁。想特別一提佢個sauce, 出奇地食完我都唔知係咩黎，似係某種植物既根部，又有少少奶油花生既味道，好淡味食唔出。泰式金邊粉($78)同馬拉盞通菜($60)就正常操作，都係比出面會大份少少，d粉好煙un我幾中意，另外佢會落好多紅色既蝦米。兩個人$226, 堂食無加一，環境就一般啦真係食野為主。諗起早排食車仔面兩個人都$210, 呢到性價比都幾高。
繼續閱讀
以前喺附近返工有食過泰基隆嘅外賣💛 印象都唔錯，午餐係大份夾抵食👍🏼 有晚喺深水埗搵嘢食，經過泰基隆門口聞到好香，所以就帶朋友入去試下😛•🥢 泰式炭燒豬頸肉 $98炭燒味超香，食落口感軟嫩得嚟有啲爽口，加埋個好fresh同埋解膩嘅酸辣汁，非常夾😍 個酸辣汁比平時食開嘅重青檸味，無乜辣味，一件接一件咁食到停唔到😆•🥢 冬蔭大蜆煲 $108冬蔭湯嘅味道略嫌唔夠層次，亦都無乜蜆嘅鮮味，以香茅同酸味為主，連唔太食得辣嘅我都覺得無乜辣味～ 但要讚嘅係大蜆份量真係好多 ，應該有20隻以上，全部無沙，不過唔算好大隻/厚肉～•🥢 泰式蝦膏炒飯 $68炒飯超大份🤣 開頭上碟嘅時候係有個碗型，但好快就塌咗，本身以為係咪個飯炒得太濕，不過一𢳂落去就知原來係炒到好乾身，炒飯粒粒分明，有啲洋蔥、番茄同埋三色豆一齊炒～ 食落有微微蝦膏香，加埋鑊氣嘅微微焦香，整體幾好食😋•🥢 芒果糯米飯 $48芒果無渣，不過唔算好甜，仲帶少少酸味🙈 而糯米飯加熱後夠煙韌，椰汁嘅甜味適中👍🏼•🥢 椰汁冰 $25🥢 珍多冰 $28椰子味極濃郁🥥開頭有少許太甜，但啲冰溶咗啲之後就啱啱好～
繼續閱讀
您可能會有興趣的...