329
47
13
| 餐廳: | 五月星牛肉麵 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵觀塘站 B2 出口, 步行約4分鐘
繼續閱讀
電話號碼
34603839
開飯介紹
觀塘工廈內的台灣菜，招牌菜為紅燒牛肉麵，沒有添加味精。刈包也是必試之選。
繼續閱讀
營業時間
今日營業
11:30 - 23:00
星期一至二
11:30 - 22:00
星期三至六
11:30 - 23:00
星期日
11:30 - 22:00
以上資料只供參考, 請與餐廳確認詳情
相關文章
今次去到觀塘的駱駝漆搵野食，OP發現到呢間五月星牛肉麵❤️不過今次我哋就冇食到佢哋招牌嘅牛肉麵～下次有機會再試🤣反而我哋試左佢的其他野～～宮格餐$88宮格餐好正～貪佢可以滿足我5個願望😍一次過叫齊蒜泥白肉、台灣腸、鹽酥雞、地瓜條、滷肉飯～～如果一個人嚟講，每樣食少少，又唔會太多，都唔錯😍😍最緊要係我哋樣樣野都想試，呢個餐可以一次過平平地試晒🤣🤣🤣刈包$39見到好多人都食刈包～我哋都叫左個試下😍入面超大舊五花肉，有好多酸菜配搭住，仲有啲花生碎，甜甜酸酸都幾過癮～～口感都幾特別👍而且個包熱辣辣～包身仲好軟，跟住個蒸籠上～賣相唔錯👍起司肉鬆蛋餅$42餅底係蔥抓餅，所以表面香脆，充滿鹹鹹地蔥香味😍芝士🧀都算幾多，芝士同雞蛋兩者混合埋一齊軟軟糯糯～呢個我都幾鍾意👍👍白灼時蔬$28時蔬係生菜🥬配搭豉油同蠔油～～都算大大碟，可以中和返D濃口味～～豆腐避風塘$16由於我哋8:30後入座，所以有三款避風塘小食做緊半價優惠😍我哋叫咗避風塘豆腐，豆腐香脆嫩滑，新鮮炸出嚟，仲係熱辣辣🤩而且豆腐充滿避風塘的香辣惹味～👍百香果益力多$28百香果味的益力多～～味道都唔錯😊今次的感覺都唔錯～下次有機會可以試埋其他野❤️五月星牛肉麵 (觀塘)觀塘開源道60號駱駝漆大廈第三座11樓F室
繼續閱讀
【觀塘區】【五月星牛肉麵】一向都成日有機會去工商業區做嘢，今晚喺觀塘做嘢，就同美女朋友喺駱駝漆大廈搵嘢食。聽講呢度有間台灣嘢幾好，就去試吓。去到果然好多人，不過好快有位。美女朋友試 $88 嘅「金好呷宮格餐」，配鹽酥雞、台灣腸、手拍青瓜、香芋丸同撈檬粉。佢話佢嗰份幾好食，我就試 $36 嘅「古早滷肉飯」同 $42 嘅「肉鬆雙重起司蛋餅」，兩者都好有台灣 feel，好味嘅。跟住試 $32 嘅「避風塘豆腐」，估唔到台灣菜都整到咁好食嘅豆腐，本身都係抱住一試嘅心態，但係佢冇令我哋失望，辣得嚟幾正。嚟到台式餐廳冇理由唔叫返杯台式飲品，我試 $29 嘅「黑糖珍珠撞奶」，佢試 $24 嘅「巨峰提子綠茶」，兩者都係有質素嘅。埋單 $251，食咁多嘢真係唔貴。聽講佢哋仲會開宵夜時段，夜晚八點半後，避風塘系列半價，我哋試過個豆腐係唔錯嘅。。。（地址：觀塘開源道60號駱駝漆大廈第三座11樓F室）@wuyuexing_beefnoodles#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #openrice #google #xiaohongshu #1am觀塘區 #觀塘 #五月星牛肉麵 #觀塘美食 #金好呷宮格餐 #鹽酥雞 #台灣腸 #手拍青瓜 #香芋丸 #撈檬粉 #古早滷肉飯 #肉鬆雙重起司蛋餅 #避風塘豆腐 #黑糖珍珠撞奶 #巨峰提子綠茶 #1am1557 #1ambackup
繼續閱讀
原來長期爆滿🤩💛工廈高質台灣料理🥳😍可能係我食過最好食嘅蛋餅💯#sdm觀塘 #sdm台灣菜 #sdm小店 #和你食啲咩 💛💎 肉鬆雙重起司蛋餅 $42必食💯💯（😋：9.5/10）👍🏻：蛋餅超足料！每嚿都好大件！重點係佢Double芝士🧀真係每一舊都會做到好長嘅芝士拉絲🤤🤤忍唔住咁影咗張相俾大家睇🤭👎🏿：。💎 蚵仔煎 $48可以一試✅（😋：7.2/10）👍🏻：呢個蚵仔煎又係好足料👅入面蠔仔有好多🦪 唔知係咪因為醬汁嘅問題呢🤔始終都覺得同台灣食嘅蚵仔煎有少少唔同味道🙈大家有冇邊間介紹？👎🏿：。💎 金好呷宫格餐 $88值得一試‼️ （😋：8/10）👍🏻：呢個餐盒超級啱有選擇困難症嘅我😂但係將全個餐牌嘅嘢都差唔多放晒入去，一個套餐已經可以揀五款唔同嘅配搭（😍好啱自己一個嚟食飯，但係又想食好多唔同種類嘅人）由於選擇真係太多，我最後放咗Menu俾大家慢慢睇🤣🤣我哋叫咗 芝士豬扒 麻辣鴨血 蒜泥白肉 米紙春卷 滷肉飯芝士豬扒完全係爆芝士超好食💛🤤👎🏿：。💎 DIY 試管鹽酥雞 $49值得一試‼️ （😋：7.9/10）👍🏻：研究咗一陣先知原來試管一直都擺咗喺張枱度😂😂就係一支支做實驗嘅test tube 裝住唔同嘅調味粉🫙俾大家可以自由配搭唔同味道嘅鹽酥雞🍗有紫薯粉，辣粉，芝士粉，酸梅粉，椒鹽，海苔粉🥳6隻唔同味都可以試晒👎🏿：。💎 糖醋豬軟骨$58值得一試‼️（😋：8.3/10）👍🏻：我超鍾意食炆得好腍嘅豬軟骨🍖呢個口感啱啱好😚而且軟骨真係有啫喱嘅感覺😍配埋酸酸甜甜嘅糖醋完全係可以加一碗飯嚟食🤤🤤👎🏿：。💎 百香果多多 $28可以一試✅（😋：7/10）👍🏻：嘢飲方面就正正常常啦，我幾鍾意呢個百香果益力多🍹好Refreshing🍀👎🏿：。💎 黑糖撞奶 $29可以一試✅（😋：7/10）👍🏻：叫呢個係為咗滿足自己所有願望的😂呢個Combo又飲到奶蓋，又飲到珍珠🧋👎🏿：。環境：7.5/10服務：7.5/10 (冇加一)價錢：人均約$70-100性價比：8.3/10 📍五月星牛肉麵 (觀塘)觀塘開源道60號駱駝漆大廈第三座11樓F室可以 follow @sikdmeh_foodie 支持下我哋😙 每星期都會更新唔同餐廳🍽📍帶大家喺香港周圍食💛#香港 #香港好去處 #香港美食 #觀塘好去處 #觀塘美食 #觀塘cafe #觀塘黃店 #cafe #香港cafe #hkcafe #觀塘食咩好 #觀塘 #觀塘工廈 #五月星牛肉麵 #五月星台灣菜
繼續閱讀
觀塘區簡直係美食天堂，特別菜式，地道菜式都搵到。五月星係好有風味嘅台式餐廳，餐廳裝修已經好有地道風味。🔷煲仔飯 $63台式煲仔飯都係第一次食，砂鍋上菜，拌勻煲仔豉油汁，味道唔錯，充滿臘味嘅香味。🔷避風塘單骨雞矍 $42少少辣的避風塘風味好好食，炸到外脆內軟，入邊雞肉仲嫩滑多汁。🔷宮格餐 $88必點宮格餐，點咗蔥油拌麵，好香滑！🔷台灣腸鹵肉飯 $59台式滷肉飯係必點項目，肥肉唔多，但係依然做到軟滑肉香濃。喺間好有特色嘅台灣餐廳，餐點比較特別有趣，避風塘系列夜晚8:30之後$16都好抵。
繼續閱讀
五月星牛肉麵今次要介紹一間喺觀塘嘅台灣菜餐廳叫「五月星牛肉麵」，中午時間真係好多人食，佢哋係位於駱駝漆大廈第3座11樓，算係隱世工廈餐廳，我就叫咗佢哋最招牌嘅紅燒牛肉麵同煲仔飯，再加少少小食，喺工廈食煲仔飯都算幾罕有，佢哋煲仔飯係「一煲二吃」，可以普通咁食，又可以倒胡椒雞湯落去變泡飯，我自己就較鍾意前者多d！1.招牌紅燒牛肉麵$75+熱柑桔蜜$12（8.5/10）呢碗招牌紅燒牛肉麵個湯底係用咗新鮮騸牯牛骨熬煮20多小時，入面有三舊好軟淋嘅牛肉同兩嚿好甜無渣嘅白蘿蔔，個麵煮得唔夠淋，仲有少少硬添！飲品就揀咗熱柑桔蜜，味道酸酸甜甜，好好飲！2.臘腸蒜香魚腩煲仔飯$63+胡椒雞湯$5+生椰拿鐵$16（9/10）呢煲煲仔飯揀咗臘腸蒜香魚腩，臘腸已經切好一片片，估計有一條臘腸，已經切成大約7片臘腸，不過臘腸有少少硬，反而最鍾意係蒜香魚腩，魚腩好足料，一共有5大舊魚腩，每一舊魚腩都好有魚油香，夠肥美，食落嘅時候要小心有少少骨，再加$5有胡椒雞湯，湯熱辣辣好有胡椒味，飲完之後成身暖笠笠滾哂！飲品就揀咗生椰拿鐵，上面勁多奶蓋，拿鐵咖啡比較偏酸少少！3.甘梅地瓜條$28（9.5/10）呢個地瓜條好脆身，份量都好足夠！4.避風塘單骨雞翼$42（10/10）呢個避風塘單骨雞翼炸得好脆，食落好有大排檔風味，叫得避風塘當然係辣辣地，最鍾意食單骨雞翼夠哂方便，一共大約有10舊單骨雞翼，仲有三款其他避風塘小食，夜晚2030後任何避風塘小食都半價，勁抵食！2人總共價錢$241個人口味總評分：9.25/10@wuyuexing_beefnoodles 地址：觀塘開源道60號駱駝漆大廈第三座11樓F室Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#五月星牛肉麵 #台灣菜餐廳 #香港美食 #觀塘美食 #觀塘好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
您可能會有興趣的...