勝手丼

營業中

休息中

有日去開觀塘開會，個天又落大雨，唯有係APM搵野食，因為趕住開會，所以就去試下一田food court😝 呢間餐廳都bookmark左一段時間，終於試到了💪因為係一田感謝祭，所以自選丼叫滿HKD 118，就送一格海膽，我當然無錯過呢個優惠🤭我實在太鐘意食三文魚，差唔多全部三文魚都有揀。不過，蒲燒三文魚和炙燒三文魚，因為本身塊魚比較瘦，燒完就變得有點乾。燒三文魚腩就正正常常，海膽都幾新鮮，三文魚子都幾飽滿。飯量對比其他地方的海鮮丼，係比較少，對女生來說是剛剛好😋今次真係到此一遊🤣

#20230311 🤍📍 勝手丼 @yatahk 觀塘觀塘道418號創紀之城五期(apm) LG樓一田超級巿場 🍽️元朗｜葵芳｜西環均有分店➖➖➖➖➖➖➖➖➖➖➖➖➖➖➖➖➖➖#自選丼 🫧 #醋飯 $12 🫧 #三文魚 $7 🫧 #金槍魚 #立魚 $8 🫧 #墨魚 #玉子 #北寄貝 #八爪魚 #蟹柳棒 $4💭 醋飯果$12係基本，之後叫到幾錢就睇自己剔幾多野食☑️刺身感覺比隔離一田魚兵衛果啲薄啲，不過新鮮程度一樣，相信係同一個廚房切出尼，呢個自選丼最好係可以將每樣自己鐘意既野食揀少少變成一碗丼飯🤏🏼如果可以接受到食晒同一款魚生，建議過隔離買盒壽司都差唔多價錢🍣.#自選丼 🫧 #醋飯 $12 🫧 #松葉蟹膏 $16 🫧 #飛魚子 $8 🫧 #三文魚 $7 🫧 #北寄貝 #八爪魚 $4💭 強烈建議大家叫#飛魚子 ，其實即係蟹子，一兜仔就可以撈晒成個飯，令個飯昇華左😂只係用$8一片吞拿魚既價錢就得👍🏼#松葉蟹膏 都做到一樣效果，不過無蟹子咁抵，魚生叫$4抵食之選真係好抵🤩最後唔建議大家叫到太貴，與其叫到好貴不如去正常既日式餐廳堂食算😅.#觀塘美食 #🐷在觀塘 #元朗美食 #🐷在元朗 #葵芳美

行一田超市，睇睇下d壽司，卑我見到呢間勝手丼，睇到我🤤🤤除左有佢配好既丼飯set揀外，當然有隨你喜好既自由配搭丼飯，有多款刺身卑你揀，鍾意邊件就點個件，續件計錢，小朋友先做選擇，我全部都要！(心諗🤭)我揀左大拖、中拖、三文魚腩、帶子、魚子& 開粒貝，大拖、中拖、三文魚腩都好肥美，帶子都幾鮮甜，開粒貝好爽口，魚子配壽司飯真係一流，真係款款都咁新鮮，款款都咁好食，雖然價錢唔算平，但一分錢一分貨，無諗過咁有質素，估佢唔到咁好食，有點喜出望外☺️

/ 每次經過觀塘APM既一田超市，都會好想食勝手丼🍱，而今次都唔例外⋯(每次放工諗唔到食咩而又好想食刺身，就會好自然去買勝手丼黎食，因為覺得好新鮮又好好食🤤)📍自選丼飯🍱💬我揀左牛油蒜蓉燒帶子、明太子醬燒玉子、北寄貝、蒜味螺肉、飛魚子、中華海草，本身想叫埋海膽，但無哂貨😭😭😭，總結，刺身好新鮮，都幾好食😋，不過性價比就唔太高，因為d飯真係好小，食幾啖就無左🥺⋯如果下次有埋海膽就更好！

我今次係foodpanda外賣自取揀咗一個自選當飯飯係18蚊之後每個送另外加，如果跟普通三文魚就加四蚊我就加咗十蚊要厚切三文魚， 另外就加18蚊要蟹膏但係真係冇諗過三文魚真係淨係得一件，如果佢只係得一件，點解佢唔寫清楚係得一件呢？我係覺得有誤導同埋取巧， 咁唔通每樣嘢都係得一件？蟹膏都係細，·但係 一份都說得過，明明件數可以有得列明，但係又唔寫清楚如果係寫清楚淨係得一件，咁我可以再叫多幾件啫，但係依家咁樣真係非常無奈

人在觀塘，忽然間想食魚生海鮮丼，醒起一田超市入面哩間嘢，就試一試佢。我今次點咗大卜口、中卜口、海膽、赤蝦、三文魚、帶子、立魚、什錦海鮮漬、厚切三文魚腩..... 個飯係醋飯，加咗海苔絲、芝麻同蔥。姐姐擺盤攞得唔錯，未食睇到都開胃啲。第一啖先試個醋飯，好味喎。佢個飯醋味唔會好搶、微微食到有酸味，軟硬度適中。大卜口咁啱我果舊就有筋嘅，但都尚算肥美。其他刺身正常嘅，係三文魚切得薄咗少少。蝦頭有啲變黑咗感覺唔係幾好，但食落無問題嘅，因為你唔會連蝦頭食嘛。至於個海膽呢，哩個價錢我收貨嘅，但佢一定唔係好靚嘅貨嚟啦。要讚一讚幾樣嘢，厚切三文魚腩真係好肥美，有魚油香；個什錦海鮮漬都漬得好味，唔會死咸，咸香又少少甜，真心好食。叫咗咁多嘢都係$200唔使，性價比係高嘅。唔好抱住食日本菜嘅心態，當自己食緊車仔麵就得喇。哩度勝在有set好咗嘅丼，亦可以俾你自己揀刺身，食多食少任你話事。超市咁嘅價錢，但佢個質素係遠勝嘅，所以一定會再嚟呀....

係apm 一田見到呢間自選車仔丼飯魚生最平$7起 一件我哋買咗兩盒平均一盒$100 豐儉由人有頭赤蝦 $16呢個超好食 有膏 勁新鮮 好彈牙！！帶子同埋三文魚都係$7 一件三文魚腩$12立魚$8中拖羅$25全部都好好食好新鮮仲有叫咗玉子 $4 呢個就一般啦成盒野個賣相都勁普通 但真心食落有驚喜

真係估唔到係一田超市入面，可以食到咁好食既丼飯，好食過出面好多丼飯專門店。形式係tick紙仔，揀左醋飯之後，再揀想要既刺身，逐樣刺身加錢計上去。成日都叫到好似圖中咁，一盒飯上面裝唔晒D刺身，會拎多個兜裝埋D刺身比你。咁都只不過係200幾300蚊，但有咁多刺身食仲係好新鮮好食。全部刺身都好新鮮，好鮮甜又唔會話雪到冇晒味，口感亦都唔會霉蝦好大隻，肉質好新鮮，連個蝦頭D膏都可以啜晒出黎食，因為唔腥帶子好鮮甜全部魚類刺身都好香好有魚味三文魚腩好香油香好正飯方面醋飯真係好夠醋，係用壽司醋D飯唔會話好凍硬晒咁D酸味又岩岩好係香港好少食到咁高質既壽司飯，估唔到可以係一田超市內揾到價錢亦唔算貴，逐塊tick個陣好似好貴咁，但最後叫左好多都唔算好貴好過出面有D店二三百蚊都未必好食

行一田嗰陣時經過呢一間賣壽司丼飯嘅地方。俾佢吸引住。因為見到啲三文魚腩好肥美價錢又好抵食基本上一個當飯都係幾十蚊有得自選有得揀佢已經set定嘅套餐如果諗唔到食咩可以試下呢間

一直知道APM 一田裹面有賣剌身，壽司。但勝手丼真係未試過，佢有好多款刺身， 帶子，北寄貝，三文魚，開粒貝 及 八爪魚等等..分左唔同價錢。 最大既好處係豐儉由人 可平可貴! 過口癮想食日本野係好ok!  (始終一田壽司餐盒較貴，好多款我自己都唔中意)我當日選左: 赤蝦，甲羅燒，三文魚，帶子。赤蝦啖啖肉 ，蝦頭有膏 好正， 甲羅燒是凍食個種 (之前食開都係熱既) 感覺似食緊凍既蟹膏  配埋飯度係勁MATCH!不過飯好似無得加大 $12/份   略為不夠飽

觀塘的lunch time 如果要食日本野，通常要排好耐隊。朋友推介下黎到這間位於超市的外賣店，黎到店面已被冰櫃吸引，有唔少刺身選揀😍有三文魚腩，大赤蝦，海膽等😋值得一試係大海膽同大赤蝦仲有帶子🤤用料好新鮮💕另外佢地仲有火炙同甲羅燒等😆所以值得推介此店😋

十分多款海鮮及其他配料以供配搭, 形式有點像車仔面.配多配少自己選擇, 以每款配料去計算價錢.飯做得不錯, 海鮮亦新鮮, 味道不錯. 不過份量比較小, 而且外賣來說價錢略貴.只能間中一次

位於一田內，有預設的丼，也可以自己挑選，我們便選擇了自己挑選喜愛的配料。款式算多，也會貼心表示食物的名字和價錢。職員在拿取食物時是用鉗子，感覺很衛生。在紙上填選後便可以交給職員落單付款。我和男友一人點了一個丼，之後便可以找座位等叫號碼取餐啦。當日是平日午餐時間，基本上都有位，但平時如果是晚餐，就可能需要等位了。帶子、什錦海鮮漬、免治吞拿魚、立魚海膽、蒲燒鰻魚、蟹柳、八爪魚、赤貝各款刺身很新鮮，尤其推薦什錦海鮮漬、免治吞拿魚和海膽。另外我們很喜歡飯的口感，配上紫菜和蔥花，好味。

嚟觀塘一田food court突然口痕想食d野， 見到有壽司飯食就嚟睇下有咩食啦，呢間壽司丼飯幾特別 有得自選刺身，可以揀自己鐘意嘅刺身食，我叫咗雜錦海鮮漬， 明太子燒玉子，明太子，吞拿魚蓉 同埋三文魚腩。 佢壽司飯同埋配料係分開上，明太子撈飯好好食,不過因為會辣辣地唔係人人接受到,我自己就好鐘意啦 雜錦海鮮漬係由幾款唔同既角切刺身用醬料撈埋一齊，好岩用嚟餸壽司飯三文魚腩好厚切，入口即溶，必食 吞拿魚蓉一放入口，魚香隨住溶化嘅吞拿魚慢慢滲出嚟,好好食 玉子燒就普通d啦, 叫唔叫都可以

環境: 系觀塘一田超市入面轉角位, 位置唔起眼, 但估唔到質素都幾高. 可以外賣或堂食, 堂食座位都整得幾好, 有大概6-7 張枱.食物: 勝手丼出名自選魚生飯, 所以今次就試試呢個招牌菜. 佢魚生款式都多, 每個價錢唔同, 而我今次分別叫左鰻魚, 三文魚子, 三文魚同八爪魚. 整體黎講每樣都一細份, 食材都新鮮, 而最好食係三文魚子, 味道好鮮甜, 個人認為係必點. 不過其實呢間最好係可以滿足人每樣都想試d 既心態, 鍾意咩都食少少既人就岩曬.價錢: 佢價錢唔貴, 每樣價錢$3-$30不等, 例如三文魚$6, 魚腩就$25. 另外, 可選大或小飯, 小飯$10, 大飯$15, 雖然話小份, 但其實份量都幾多. 魚生每樣都係一片片咁叫, 想平食就好似我咁叫, 4樣野加飯都係$37, 其實都抵食, 行開觀塘都可以黎食下.