影片
港鐵觀塘站 B2 出口, 步行約5分鐘
繼續閱讀
電話號碼
36184533
36184538
營業時間
今日營業
18:00 - 00:00
星期一至六
08:00 - 16:00
18:00 - 00:00
星期日
18:00 - 00:00
公眾假期
18:00 - 00:00
以上資料只供參考, 請與餐廳確認詳情
有關獎賞計劃
📌 小城大廚 - 觀塘成業街19-21號成業工業大廈地下3號舖🗓(8/8) 星期四 ⏰ 晚上6點左右 💈特式：今日去觀塘接朋友收工，佢話好耐無食過中餐，所以我預早睇定左附近一間中餐私房菜館，其實佢都係區內都頗有名氣。🥩🍔🌭🌮🥗🥯🥘🍲🍝🍣🥟🍤🍱食物：呢間餐廳主打鑊氣小炒，仲有砂鍋系列/煲仔小菜/川菜/客家菜/椒鹽&金沙系列等等，而家等我同大家講下🔥味道先。🥒前菜 $2️⃣0️⃣ - 首先入座佢會提供前菜，係涼拌木耳同話梅涼瓜，兩款都水準之上，涼拌木耳酸辣開胃，話梅涼瓜酸甜消暑。🦐🐣孖寶套餐 $1️⃣8️⃣8️⃣ - 孖寶套餐，一個價錢已經有蝦同雞都真係幾抵，蝦就揀左椒鹽海蝦，雞就揀左頭抽霸王雞。海蝦份量都幾多有11~12隻，size都大隻，而且原隻炸到脆卜卜，殼都唔洗剝就咁成隻啪，配埋惹味嘅椒鹽，又香又脆。霸王雞係半隻份量，雞肉嫩滑多汁，頭抽醬油又入味，食落有鮮雞味又有醬油香。👍蒜蓉粉絲蒸元貝 $1️⃣2️⃣8️⃣/4隻 - 呢個係每日特價精選，星期一至日都各有兩款小菜做特價推介，今日就係蒸元貝，雖然話係每日特價，但一點都唔馬虎，元貝大隻肉厚，一啖係食唔晒，所以用最普通嘅蒜蓉粉絲蒸已經非常好食。🥗淮山百合炒藕片 $8️⃣8️⃣ - 另外再叫左個炒菜食，只可以講淮山爽口，百合爽口，蓮藕片爽口，萵筍爽口，呢道菜一個字爽爽爽爽。☕️🍵🥤🧋🍺🍷🥃🍹🧉🍾🍶🥛飲品 : 餐廳有提供茶水。另外，飲品選擇都多，有多款啤酒，各式汽水及紙包飲品。🍽環境：裝修睇得出花左心思，雖然未去到金碧輝煌，但都頗為精緻，尤其是牆身幅山水畫同木製餐牌，坐位係用大圓枱多，有點似以前大排檔格局，但就舒服好多倍。🤵🏻🤵🏻♀️🤵🏻♂️服務：職員服務唔錯，幾有禮貌 ，落單同上菜都好快手。💰💸價錢：叫左4款小菜，當中仲要包括兩款海鮮，埋單都只係$4️⃣0️⃣0️⃣左右，平均都係100一款，認真抵食。🐲💬總結：我覺得呢間餐廳做嘅優惠，包括孖寶/三寶/四寶，仲有一星期7日都有嘅兩款特價推介小菜，都係十分之抵食。推薦指數：❤️❤️❤️❤️🤍
繼續閱讀
佢啲安排勁亂 唔知點解無人反映呢樣野 如果大家諗住一家人黎食圍餐 記得要triple confirm 同埋揾人早啲去到攞位（就算你卜左） 要老人家等就唔好啦。 今晚卜左晚餐 佢果晚預約時間20分鐘前先confirm booking 都覺得有伏 最後我地早左15分鐘到。 結果等左4個字都無得坐 之後佢地安排我地坐左門口果張枱 （熱到滴晒汗🥵）。 又搞左半個鐘先安排到入面既枱。 講真，野食唔係特別出色價錢都無大家講到咁抵 但真心你好熱得同好等得先好黎 或者等冬天啦。
繼續閱讀
觀塘工廠大廈啲餐廳 次次都唔失望 今次都係🥰 呢間小城大廚 真係有大廚 啲嘢食都超有水準！*茶芥 8/位*小食x2 20花生及木耳，花生好香，木耳爽脆，少少辣，幾惹味🔖籠仔荷葉蒜香魚塊飯HKD188份量十分充足嘅荷葉飯，大概夠四人食用。飯粒吸收咗荷葉嘅清香之餘，更吸收咗豉油、魚香，令每一啖飯都帶有豐富鮮甜嘅味道，非常正。而飯上鋪有幾舊蒜蓉龍躉，件件都頗為厚肉，而且同樣鮮甜軟腍，唔會蒸得過火，非常惹味🔖蜜椒薯仔安格斯牛粒HKD138好豐富嘅一味小菜，以蜜椒調味適中，薯仔炸得可口，少少焦糖外皮，甜甜哋非常惹味。而且牛柳粒好軟腍，冇筋或起渣，食起嚟非常方便香口🔖金銀蒜粉絲蒸元貝2隻 HKD96元貝非常鮮甜，而且蒸得恰好，唔會好韌。而且蒜蓉、粉絲份量不少，鋪滿整隻元貝，配上豉油，非常香甜，蒜香十足。不論元貝還是配料同醬汁都十分鮮甜美味，非常推薦🔖凍檸茶 HKD16檸茶唔會過甜，清清地味道不足佢地仲有好多菜式 都好吸引🥹 但我同朋友兩個人食唔晒 我覺得呢間舖頭都好適合一家大細嚟食！而嚟緊中秋節佢地都有準備左中秋節團圓餐牌 真係佳節食飯好去處之一！
繼續閱讀
朋友推薦我食「小城大廚」，小菜又豐富又高質，全部都係經典惹味嘅廣東菜🤤 今次我哋三個人食，叫咗兩個煲同一個伊麵，再加兩碗白飯已經好飽，性價比好高，瞓量超驚人，人均都只係一百幾～杞子蠔仔浸西洋菜煲 $128超大煲🤣🤣🤣 清甜滋補嘅煲仔菜，大量西洋菜 清熱解毒，口感爽脆，配上鮮甜嘅蠔仔同埋滋補嘅杞子，真係好適合夏天食！😋沙嗲金菇肥牛粉絲煲必食！香濃惹味🤤🤤🤤 沙嗲醬香氣撲鼻，肥牛份量多 十分軟嫩，金菇爽脆，配埋粉絲，配飯食一流 好滿足🤩瑤柱金菇炆伊麵簡單又美味嘅炆伊麵，瑤柱鮮味濃郁，金菇同蘑菇都好爽脆，配埋伊麵，美味又飽肚🤤
繼續閱讀
小城裡面隱藏著一個大廚！位於觀塘成業街的小城大廚深受街坊們歡迎，這理有打邊爐、私房菜及小菜，一入到嚟見到晚飯時間都坐滿了人。這裡的枱面有紙巾方便又體貼，雖然係地牢，但係呢度都有Wi-Fi設備供食客使用。餐廳有做緊唔同優惠活動，留意到啲套餐都好多野食都多元化，有二、三及四寶餐呢！我哋叫咗花膠燒豆腐、芹香油鹽水浸蜆、酥炸豬大腸同埋紅燒脆皮乳鴿！花膠燒豆腐遠看真像羅漢齋，有豆腐冬菇等齋菜，清清地幾好。除此之外有浸蜆，份量多，裡面也有芹香油鹽的香味呢！另外豬大腸令人喜出望外，佢即叫即炸唔會太肥膩，有菠蘿墊底夠晒開胃 🤤。仲有脆皮乳鴿，價錢相當平，只係$58原隻上，絕對係邪惡之選。
繼續閱讀