影片
港鐵銅鑼灣站 A 出口, 步行約4分鐘
繼續閱讀
電話號碼
62268800
開飯介紹
人氣的粉紅花花森林餐廳，為素食友善餐廳，致力推動多元共融。餐廳由十多年經驗花藝師主理，設有多個打卡位，打卡位定期更新，讓客人帶來新鮮感。特色的人名花牆，可透過網上投票或包場設定，餐廳更可指定坐位，非常適合慶祝活動。特色飲品及甜品更是必點之選。
繼續閱讀
營業時間
今日營業
12:00 - 21:30
星期一
11:30 - 21:00
星期二
17:30 - 21:00
星期三至四
11:30 - 21:00
星期五
11:30 - 22:30
星期六至日
12:00 - 21:30
公眾假期
12:00 - 21:30
公眾假期前夕
11:30 - 22:30
以上資料只供參考, 請與餐廳確認詳情
有關獎賞計劃
相關文章
突然間好想食素菜，朋友捐窿捐罅搵到一簡既健康又可以打卡餐廳“Say, I love you”。餐廳門口好大張姜濤海報，啱晒姜粉打卡，宜且餐廳以花為主打裝飾，彷彿姜濤與你進入一個花花世界。服務員好殷勤介紹菜式，更提議輕食主菜。💐蕎麥麵配香烤大啡菇用新鮮蔬菜配上甜甜紫番薯溶，烤大啡菇香味濃郁，蕎麥麵爽口、軟硬適中。💐凱撒沙律我們要求少醬汁，新鮮蔬菜好爽口，配上碎芝士片和乾肉粒，好健康。💐黑松露蘑菇湯濃郁黑松露，並且加入許多蘑菇碎粒， 香滑有咬口 。💐小熊粒粒草莓牛奶Cutie 粉紅色啤啤熊冰，淡粉紅色草莓牛奶，味道微微甜，入口好滑溜。💐紅梅紅肉火龍果三分二杯混合了桃紅色紅莓和火龍果，含有豐富維他命C，抗氧化顯著，餘下部分為仙草。入口滑流，微微甜，還放了一點點玫瑰花碎以作點綴。飲品基本上是無糖飲料，輕食素菜又健康。約埋閨蜜打卡傾心事，是一個好地方。💐就是偏偏喜歡你銅鑼灣耀華街3號百樂中心16樓1602-1603號舖💐
繼續閱讀
除咗靚，就係靚。位於銅鑼灣嘅共融餐廳”就是偏偏喜歡你”，主打”靚”。由裝修到座位，兔仔到食物，都好講究。首先裝修就是一片花海，到處都是打卡的地方，就連座位都很IGable，私隱度好高！首先，我哋叫咗個Carbonara。原本以為都係普通Cafe水平，但原來都係一片花海😂。原本以為唔平，但用QR code落單嗰陣發覺可以揀免費”加大”。變成接近二人份量嘅意粉，忽然間變到好抵食。意粉則相當掛汁，而且有彈性。跟住叫了一個”菠蘿照燒雞黑漢堡”。呢個黑色嘅竹炭包明顯有處理過，外面係脆嘅。照燒雞嘅汁絕對足夠，菠蘿同蕃茄都好大份。最後當然唔少得飲品，叫了”蜜桃小熊乳酸”，好可愛嘅熊仔溶咗之後會跌落杯，可以飲多幾啖😂。原本仲想叫甜品，但食完兩個main之後已經飽到不得了，唯有下次再試🥲。最後要講講兩隻兔仔，一隻叫相相一隻叫愛愛，大隻到不得了，好好摸😂。
繼續閱讀
今日520想氹下老婆，所以搵左間佈置好girly嘅cafe，喺銅鑼灣耀華街樓上。上去到見到餐廳嘅佈置好靚好多花花，可惜有兩個鳥籠位都俾人早到坐左先。我地坐另一邊都係打卡位，好多花花包圍住。我地胃口唔係好大，叫左一人一個湯，一個burger同一碟意粉，聽落好似都係啲簡單嘢，但上枱時就發現好有驚喜！我地叫左南瓜湯同黑松露野菌湯，個南瓜湯好濃，飲得出個南瓜攪蓉左落去，個味好南瓜甜，然後個黑松露湯好杰，滿滿的松露味，啱晒中意濃厚口感嘅朋友，個湯其實上面仲有花瓣，令到個外觀都好吸引！之後個波蘿照燒雞黑漢堡又係feel到佢係有心機出品，個盤好full有脆片同沙律菜，而主角係漢堡，個飽好軟，雞扒配照燒汁好惹味，個菠蘿烤過黎。一定要一齊放入口先好味！而個黑松露炒意粉係我食過最好食最好食嘅松露意粉，佢啲醬又係好杰好杰好濃厚，啲意粉完全吸收左松露味，完全感受到係足料出品！最後加個熊仔士多啤梨牛奶當係甜品，坐喺打卡位影相，又得飲又好好玩，成件事係好愉悅！服務、環境好好好好之餘，仲有兩隻可愛兔仔駐場，令我覺得食餐飯都好有活力！
繼續閱讀
【灣仔區】【就是偏偏喜歡你】聽過銅鑼灣呢間餐廳好耐，不過一直冇機會試。難得呢一日同遇星哥喺呢頭搵嘢食，我就大膽提出不如試吓呢間。畢竟佢呢間餐廳最有名嘅就係花花打咭位，同埋仲有可愛嘅兔兔喺裡面。咁兩條麻甩佬好難攪㗎嘛，好易會覺得唔好意思，冇嘅話就入去啦。入到去見到成間餐廳都係花，真係好靚，好似每一張枱都好適合打咭咁。坐低之後就叫咗 $208 嘅「鮮大蝦龍蝦汁米意粉」嚟試，個龍蝦汁好香，同米意粉好夾，每一粒都索晒汁，正。另外仲試咗 $68 嘅「芝士雞軟骨」，好大份，好香芝士味，炸得又香。嚟得呢啲咁精致嘅地方，梗係試埋佢哋嘅特色飲品，遇星哥試 $58 嘅「冰藍薄荷梳打」，佢話好清新好飲。我就試 $58 嘅「草莓香蕉奶昔」，都好濃香嘅草莓同香蕉味，兩者又唔會話互相搶咗對方嘅味道，幾好。埋單 $431，見到好可愛嘅兔兔行來行去，値呀。。。（地址：銅鑼灣耀華街3號百樂中心16樓1602-1603號舖）
繼續閱讀
就是偏偏喜歡你嘅浪漫花花主題的cafe好合適打卡同慶祝生日，非常有情調！1. 菠菜芝士忌廉意粉 $158上面有好多芝士碎，忌廉汁香濃，而且結身，入面有好多菠菜碎同埋香菇，整體都好香濃，意粉質感正常。🌟 評分: 7/102. 菠蘿照燒雞黑漢堡 $158入面有一舊好厚身嘅菠蘿，菠蘿有煎煮過，所以表面有少少焦糖化，而雞扒好香燒汁味，同雞扒有好腍，黑麵包亦都有烘過，令到麵包皮外脆內軟，整體都幾用心。🌟 評分: 7/103. 草莓香蕉奶昔 $58味道有啲似麥當勞嘅士多啤梨奶昔，但係呢個士多啤梨味仲香濃，而且入邊有好多香蕉粒，增加飲嘅時候嘅口感，同埋香蕉都幾夾，同埋杯嘅奶昔都好夠甜，賣相又靚。🌟 評分: 8/10🎖️整體評分🎖️❤️ 味道: 7/10🧡 環境: 8.5/10💛 服務: 7.5/10💙 性價比: 7/10 📍 就是偏偏喜歡你 (銅鑼灣)銅鑼灣耀華街3號百樂中心16樓1602-1603號舖
繼續閱讀