影片
港鐵銅鑼灣站 B 出口, 步行約3分鐘
繼續閱讀
電話號碼
98867303
附加資料
每天14:00後訂枱, 不設網上訂座
營業時間
星期一至日
18:00 - 00:00
以上資料只供參考, 請與餐廳確認詳情
開開心心去食串燒同朋友慶祝生日買左個蛋糕上去之後就正常order食物啲男職員都好有禮貌係有一個女服務員由一開始已經黑晒面我地叫野飲佢都黑面唔知有咩咁唔開心野食係OK既燒鱔好出色 番薯條都好好味仲有好多種類既串燒不過個人認為尖沙嘴分店好食啲入座時知道用餐時間係兩小時食到一半問我地可唔可以轉檯因為想我地轉去卡位咁佢地可以將原本張檯拆為兩張二人檯我地冇留意時間到用餐時間5分鐘前俾張單我地中間完全冇reminder之類我地既蛋糕仲未切 失晒預算最後我地禮貌地提出蛋糕未切個女職員黑晒面話要收$50切餅費都唔緊要既但佢好rude咁講: 你地盡快啦, 其實都夠晒鐘但真係好冇禮貌真心唔會再去都只係因為個女職員
繼續閱讀
坐了吧枱位，在寧靜的角落，聊天傾心事特別舒適～汁燒免治雞肉軟骨釀冬菇～免治雞肉內有很多微細的雞軟骨碎，令咬下的每一口都特別有口感，雞肉跟冬菇味道又很夾，兩者配合得很好～香辣雞腳筋～新疆口味，微辣的，小吃一流～麻辣豬大腸～川式做法，微辣帶點香料味，豬大腸很冧軟，一咬便到底～鹽燒豚肉荔枝卷～很得意，荔枝的果甜味令豚肉更可口～汁燒煙韌年糕卷～豬肉內裡包裹著煙煙韌韌的年糕，很過癮～香蒜鹹蛋黃燒墨魚滑～鹹蛋黃味很香很濃郁，而墨魚滑內有很多墨魚粒，令整體更添層次感～蒜蓉燒廣島蠔～沒有縮水問題，蠔肉大大隻，又厚肉，很香蒜味～
繼續閱讀
其實食物做得幾好都無用做居酒屋 set左還枱時間 無問題 態度惡劣見到個客仲飲緊枝大sake 連option有其他枱調位都唔offer 只係識話有客等緊 唔知你哋飲咁耐 我想問下咩叫快？連野食都未上齊 點走？上唔齊仲話賠錢 咁其實要賠 係米賠埋枝酒錢先？野食質素不在話下 服務態度足以夠趕客走
繼續閱讀
好耐冇食過串燒 難得同朋友聚會就食下串燒～呢間餐廳坐得好舒服 有吧枱又有卡位 好有居酒屋嘅感覺～串燒來來去去都係果啲野食 而且我地叫到成枱都係野食 所以我想推薦下一啲比較特別嘅野食ʕ •ᴥ•ʔ檸蜜牛油包 $20一碟有一塊切半嘅麵包 麵包整到好脆 麵包入面仲有啲芝士粒 估唔到檸蜜配牛油都幾夾！鹽燒豚肉荔枝卷 $22\ 呢個好值得試！/ 睇落個組合好特別 本身未食之前仲諗會唔會好奇怪 不過原來都幾夾 荔枝燒完之後更加甜 鹽燒嘅豚肉片就中和返成個味道明太子/蟹膏燒飯團 $38飯團係混合左飯素先再燒 面頭有滿滿嘅明太子/蟹膏醬 底下仲有一大塊紫菜飯團燒得好脆 食落好crunchy 不過我地食左好多野先叫 所以食完超飽🤣🤣
繼續閱讀
今日去咗銅鑼灣燒烤堂食串燒，佢仲有好多間分店。呢度主打各式各樣串燒，而且有啲串燒嘅款式仲好特別👨🏻🍳呢度嘅串燒有好多都係平時出面食唔到嘅，好似 豚肉節瓜波棒糖（付月見）、燒萵荀伴蟹膏、雞皮墨魚滑、孜然豚肉莞茜卷、鹽燒豚肉荔枝卷、惹味鹹蛋黃豬大腸 等。其中私心推介豚肉節瓜波棒糖（付月見）、雞皮墨魚滑、鹽燒和牛牛小排、明太子雞腿肉😋 呢幾款我都覺得大家要點嚟試！🍭豚肉節瓜波棒糖（付月見）豚肉同節瓜夾埋一層層再卷到好似波棒糖咁，個外皮仲燒到好香脆，節瓜夾雜住豚肉中和咗一啲油膩感，再配埋月見汁，好食到我地食完一串再encore咗多串😍🐓雞皮墨魚滑呢個配搭幾特別同埋又幾match，雞皮燒得好香脆，包住爽口彈牙嘅墨魚滑，好正😋🥩鹽燒和牛牛小排牛小排肥瘦均勻，食落仲好香牛味，推介👍🏼🍗明太子雞腿肉雞腿肉超嫩滑，雞腿肉上面鋪滿明太子醬，好好味😋果日叫咗嘅串燒如下：蜜糖燒菠蘿🍍、日本一口甜薯、孜然燒蒜蓉茄子🍆、牛油蒜蓉焗金菇、燒萵荀伴蟹膏、鹽燒美國露荀、麻辣秋葵、鹽燒翠玉瓜、豚肉節瓜波棒糖（付月見）、明太子燒厚揚豆腐、蒜蓉燒廣島蠔🦪川燒活元貝、雞皮墨魚滑、孜然豚肉莞茜卷、鹽燒豚肉荔枝卷、牛油果豚肉卷、惹味鹹蛋黃豬大腸、厚切鹽燒牛舌、鹽燒和牛牛小排、惹味爽口雞腎、明太子雞腿肉、汁燒鮮雞肝、汁燒免治雞肉軟骨棒（付月見）飲品：-梅酒梳打-原味可爾必思梳打-百香果梳打-青檸菠蘿梳打
繼續閱讀