影片
開飯介紹
烤肉有牛肉及豬肉選，都是護心肉，牛肉更是經國際牛肉協會認證的 Prime grade 牛肉！
繼續閱讀
營業時間
星期一至日
12:00 - 01:00
以上資料只供參考, 請與餐廳確認詳情
相關文章
2267 瀏覽
復活節假期老公多請了一天假期, 難得星期五可以一家三囗到銅鑼灣食午餐。可惜沒有時間預先計劃, 唯有隨意在openrice上找間韓國烤肉店。其中有間「達人燒肉」的評語不錯, walkin 上去都不用等位, 莫非大部香港人都仍然放假中? 門口沒有令人難忘的佈置, 也找不到餐廳名字, 只有餐牌及掛上不少食客照片的鐵絲綱。這裡一貫新派韓國烤肉店的裝潢, 圓形的烤肉枱, 伸縮抽油煙機, 及圓鐵罐(空心設計供客人擺放私人物品)。另外, 新派韓國烤肉店主攻年輕人市場, 店內當然有個特大投影機不停播放k-pop。餐廳充滿工業風, 沒有太多的佈置, 簡約正是新派韓國烤肉店的特色吧!佈置中竟然驚見這張五花腩照片上用花朵砌成的心, 又奇怪又老土的佈置。午餐有十款熟食, 每款午餐只不過四、五十元又包汽水, 真抵食! 很難相信銅鑼灣有這麼抵食的韓國午餐。到韓國烤肉店當然要親手烤肉, 這裡有兩款烤肉午餐: $200的2人豬肉餐 及$250 的2人牛肉餐。包汽水、包加一服務費的二百多元的烤肉午餐真抵食！！傳統的韓國烤肉店有七、八碟的小食, 可是新派的烤肉店是不會出現, 換來的是這三小碟。泡菜是必有, 但每次筆者都退回。另外兩款是煎魚肉片及魷魚。魚肉片夠薄身, 表面香口, 肉質爽口。魷魚口感煙韌, 味道帶微辣, 十分惹味。兩款皆是開胃惹味的小食。店員隨後再送上沙律、芽菜及用來包肉吃的生菜。新派韓國烤肉店的特點必定是這個特製烤爐, 有三個凹位用來加入蛋漿做成爐邊蛋, 又可加入泡菜做成爐邊泡菜蛋, 另外粟米芝士。客人要一眼關七, 又要烤肉, 又要留意這三個爐邊蛋, 一不留神便把食物弄翻。烤爐火力不平均, 因此爐邊蛋每個位置的熟透情況都不太一樣, 賣相及味道大打折扣。四人圓枱但枱上放滿食物, 真豐富! 新派韓國烤肉店的服務不及傳統烤肉店那麼細心, 店員比較年青但服務就真係麻麻。叫了多聲才勉強有些反應, 太早未瞓醒?$250 的 2人餐有兩款牛肉, 這份《特級牛肋排肉》粉紅色的肉色, 油脂分佈平均, 想像不到會有這個質素。另外牛肋排肉擺放有心思, 賣相加分不少。經燒烤後, 牛肉的油脂溶化令表面多份光澤外, 咬下去這份油脂感特別惹味。牛肋排肉的肉質鬆軟而且肉味重, 最重要無根無渣。另外不經醃製的牛肋排肉更加讓筆者品嘗到牛肉的原味, 不錯的選擇。套餐內另外一款牛肉就是這個《LA牛仔骨肉》。肉的色澤呈深紅色, 油脂分佈明顯, 牛仔骨肉有厚度, 賣相對辨。份量又多真抵食!這個牛仔骨肉牛肉味比較重, 而且肉質比較煙韌有咬感。《韓式韓醬湯飯》湯及飯分開上, 飯只有一小碗但湯有一大碗, 比例不成正比。湯的味道微辣, 就是韓式醬的獨有味道。越食越辣, 但這個辣只停留在口腔, 因此多食都能夠抵受得住。湯內有不少材料, 豆腐、金菇及牛肉。今個午餐實在太抵食!
繼續閱讀
特級牛頸肉 Prime beef chuck flap tail •達人護心肉 Dalin special skirt meat •紅酒五花腩肉 Wine grilled pork belly •秘制牛五花肉 Thin sliced fresh beef belly •香腸 Sausages $520雖然冇飯冇湯 睇落好似好少野食但其實絕對夠三個人食🙈而且爐邊蛋好好味 芝士加粟米勁甜勁香😭最緊要係生菜無限添加 食左好多菜😂😂因為好似好健康咁 又大減油膩感😍咁多種肉最好味都係護心肉～紅酒五花腩肉就係用錫紙包住個個 紅酒味比想像中重🍷香腸唔好以為好簡單 燒幾下就爆芝士🧀!!
繼續閱讀
其實一早已決定嚟呢度食LUNCH，但去到樓下又想睇其他樓層食咩，點知接咗一張傳單後就好似有個千手觀音響你面前咁，其他人嘅傳單都隊晒比你，上到去更加覺得生意好難做，因為全場得兩枱客咁大把，唔怪得樓下咁進取啦！ lunch menu都好多選擇，最終叫咗個2人年糕煱($145)，前菜隨即奉上～ 泡菜－唔算太辣但爽脆，魷魚絲－甜甜地，就係魷魚絲咁囉，豆腐皮－都係甜甜哋無咩特別。食食吓前菜醒起好似有汽水送架，問吓店員姐姐，佢先話係呀，有可樂同ZERO兩種。可能係送嘅所以選擇少D呱！ 雖然得兩枱客，但都等咗成20分鐘主菜先到，原來好鬼大鍋，呢個應該叫做部隊年糕鍋，因為D材料其實都差唔多。 麵－夠煙UN，好彈牙大量年糕－都幾煙UN，OK菜肉餃子－有成5粒,可能一路煮住，太過稔，菜肉都煮到無晒質感咁腸仔－一般脆皮腸咁雞蛋一隻半另外都有足夠蔬菜，可以減少油膩感，包括有紅蘿蔔，翠玉瓜，大蔥，洋蔥，京蔥食食吓，店員隊多碗紫菜飯過嚟，真係當堂眼都突埋！雖然我都好食得吓，但呢個SET真係兩個男人都未必食得晒！ 紫菜飯嘅紫菜好脆帶點點咸味，再加埋芝麻同生雞蛋，無得頂呀！趕住返工，竭盡所能都未能食晒成盤年糕，下次都係揀個冷麵算啦，或者問吓可唔可以3個人食呢個set呢！ 午市免加一又唔駛等位，都確係一個不錯嘅選擇嘅！
繼續閱讀
星期日太遲起身，出到銅鑼灣已經2:30pm, 好多餐廳3點落場，好彩比我地search到達人烤肉週末嘅呢個時間竟然仲有lunch set，一向聽聞呢間烤肉店品質唔錯，lunch set 好似serve到4-5點添。2:30pm左右到，裡面個場好大，得2-3客食緊。因為無乜人嘅關係，個場好靜，抽風又好，所以食得好舒服。雖然我地一早已經鎖定烤肉套餐，但係當然要八吓個餐牌啦！除左烤肉set，個 menu 仲有其他午市套餐揀，估唔到假日都有午市套餐，價錢仲要幾抵，我地想要嘅pork set燒烤套餐都只係$200！韓式泡菜湯飯、石頭鍋飯、大醬湯飯、韓式冷面等連汽水都係50幾蚊就有交易喇，仲要唔使加一，實在太抵喇！我地個豬肉烤肉套餐包五花腩肉、秘制豬肩肉、韓式冷面或韓式大醬湯飯、兩罐汽水。其實仲有牛肉烤肉套餐，但係好似睇食評大家都鍾意豬肉多，所以唸都無唸就叫左豬肉烤肉set。首先黎左前菜、汽水同埋個烤爐。前菜有魚餅、泡菜同埋芽菜。汽水得兩款選擇，7up或者可樂。爐邊竟然仲有蛋漿, 泡菜蛋漿,同埋芝士粟米!!午市特價套餐竟然都有，真係喜出望外，最鍾意就係爐邊蛋架喇！之後就黎埋主菜豬肉，份量一啲都唔孤寒，一塊好大好厚嘅豬肩肉加埋已經切好嘅五花腩肉，再加兩片菇，如果兩個女仔食真係未必食得哂。我地真係太肚餓喇，所以即刻燒番幾舊食，肉質唔錯，食落豬肩肉同埋五花腩肉都好味，真係唔錯！之後黎埋個韓式大醬湯飯，同時黎埋一碗醃製左嘅蔥，湯飯都好好食，我地好快已經清哂。我地其實最後先知原來加一服務費都唔使收，無乜服務都可以理解嘅，成餐都係總共$200兩位，假日午市套餐真係抵食，下次一定再去過！
繼續閱讀
呢間 bbq 7080 都飯堂咁滯, 每次想食韓燒時都會去, 因為韓燒餐廳的質素, 價錢都分別幾大, 不喜歡進店給人搶著的感覺.今日去銅鑼灣逛街才知道這兒都有分店. 跟尖沙咀店一樣, 都是一個個圓筒形的臺, 不同的是這兒的抽風位沒有伸縮裝置, 而且有石英燈在頂, 影相靚好多.友人給我發板, 那就點套餐吧. 因為想吃牛仔骨, 所以點了貴100蚊的頂級套餐. 爐邊有的是雞蛋, 泡菜雞蛋, 芝士粟米等等. 要等到中段熟咗先食得. 泡菜雞蛋味道較怪, 雞蛋則軟軟的十分好吃. 還可以把肉和雞蛋, 芝士粟米等, 包在生菜加燒肉一起吃呢.頂級套餐, $620霜降牛肉名字漂亮, 油花不算多, 但吃下去不會乾, 軟軟的勁 juicy.竹筒五花腩肉店員一來到便把豬肉從竹筒拿了出來放上鐵板煎. 厚厚的五花肉肥瘦相間, 顏色粉紅. 其實在街市都難找到這麼漂亮的五花肉了. 四邊煎香後,店員走來把豬肉切成一片片薄片再燒. 薄片的五花腩, 油份己經迫了出來, 吃到的是爽脆, 不會一口都是油. 本身油脂己經足夠甘香, 沒有需要額外調味料, 吃燒肉都是五花腩最好.秘製特級牛仔骨友人竟然忘了如何弄這個牛仔骨, 就是把它如棉被般碌出來就好了. 攤開後牛肉還長過燒板, 要快快剪開. 生肉時見顏色不佳, 曾擔心有問題. 進食時味道幾好, 應該是醃料塗得不好所以顏色怪怪的.秘製牛舌看著牛舌在鐵板上由紅色變成血紅色再變成咖啡色, 有點驚嚇, 但卻知道會更好吃, 見著肉汁全鎖在裡面沒流出來. 燒好後, 油花把牛舌弄得閃令令的, 牛味十足. 香腸(2條)司華力腸燒了表面再切開一塊塊, 無祈望下都不錯. 切片後的腸仔好脆口, 又有少少厚度咬下咬下, 都係送韓國酒一流! 這餐又夠飽又夠暖, 吃飽後個身都唔大味.
繼續閱讀