影片
港鐵銅鑼灣站 A 出口, 步行約5分鐘
繼續閱讀
電話號碼
91093196
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
之前喺鰂魚涌食過呢間燒雞，印象深刻，最近發現佢喺銅鑼灣都開咗新店，今晚就約咗幾個朋友去試吓。呢間舖頭環境舒適，仲有好多同電影有關嘅元素融入咗喺設計裏面，裝潢簡約又有型。依家就分享下我哋食過嘅幾樣菜式啦。飲品方面，我試咗冷泡台灣烏龍茉莉花茶，味道清新，香氣撲鼻；再嚟一杯冷泡蘇格蘭威士忌茶，呢個茶個製作好特別，係放咗喺威士忌橡木桶，所以佢係100%茶，但係有威士忌嘅酒香，搭配得好好，真係值得一試。湯類方面，朋友揀咗洋蔥湯，湯底濃郁，洋蔥嘅甜味令人感覺溫暖；我揀蘑菇湯亦都不遑多讓，香濃滑順，濃郁嘅菇味，令人每一口都想多飲一口。接住係前菜，我地叫咗田園沙律，配上意大利油醋汁，味道清爽，牛油果同煙三文魚更添風味，簡直係完美開胃菜！而魔鬼之柱就真係一絕，廚師將雞皮嘅脂肪去除，炸得香脆，再包住厚厚嘅午餐肉，口感層次豐富。黃金甲同樣出色，雞皮炸得金黃香脆，令人一口接一口。斑點狗熱狗用咗煙肉粒同馬蘇里拉芝士，仲加埋黑松露蛋黃醬，mozzarella cheese 嘅拉絲真係有好睇又好食，味道好豐富，值得推薦！白味噌香焗茄子表現中規中矩，茄子軟滑，不過今晚嘅茄子有啲水汪汪，同埋搭配白味噌未必人人喜歡。最後，蒜蓉牛油煎日本刺身級帶子，帶子煎得剛好，外脆內嫩，蒜香味足，食完令人意猶未盡。主食方面，我哋揀咗招牌香草牛油蘋果香檸燒雞，雞腔內填滿蘋果同檸檬，邊啖雞肉邊有水果香味，令人覺得好新鮮！不過，茜霸皇芫荽香茅青檸燒雞對於芫荽控嚟講，有啲失望，芫荽味稍為遜色。香蒜橄欖油意粉加煎蛋，味道簡單卻好味，意粉煮得剛好，香蒜味撲鼻。意式香草蕃茄醬比目魚柳意粉更加美味，魚柳嫩滑，番茄醬味道酸甜適中。Jikka嘅菜式好有創意，味道都唔錯，而家開咗喺銅鑼灣，咁方便，值得過嚟試試。
繼續閱讀
Jikka燒雞第4家分店，最近係銅鑼灣開業啦🎊新分店同時有多款🆕新菜式推出，仲有全新海鮮系列🌊餐廳注重食材用料✨不添加任何味精❣️少油 • 少糖 • 少鹽✨唔好諗住咁樣會好淡，用番食材原味煮出美味，好多款食落都好有驚喜🤩~•~•~•~•~•~•~•~•~•~•~•~•~•~•~•~•~•~•~• ▪茜霸皇芫荽香茅青檸燒雞 ($308/全隻)銅鑼灣分店新推出既口味🆕雞身🐓內填滿芫茜 • 香茅 • 青檸🍋🟩，雞肉Keep到肉質嫩滑💕 • Juicy💦，雞胸都唔會乾鞋。可另外加配菜($30/款)，揀左炒蘑菇🍄🟫 • 粟米粒🌽.▪手打濃湯 (無增味劑 / 無味精No MSG)▫️洋蔥湯 ($78)Menu上唯一一款清湯款式，用洋蔥🧅炒至焦糖化 • 出甜味，先再煲。烹調過程中冇加過糖😚▫️蕃茄甘筍湯 ($58)濃湯係以蔬菜打成，質地會比較濃稠🥣滿滿纖維🍅🥕.▪(V) 香烤椰菜花 • 甜蕃薯配羽衣甘藍 ($148)香烤椰菜花有調味過，食落酸酸甜甜 • 帶微微辣😝羽衣甘藍下有綿綿甜蕃薯🍠.▪ 魔鬼之柱 ($88/3件)好邪惡呢？😈不過大廚👨🏻🍳去除雞皮脂肪，剩下薄薄雞皮。減番少少邪惡度啦😏將雞皮風乾後 ，再包住厚厚午餐肉炸到香口💥.▪日本頂級刺身帶子 - 蒜蓉牛油煎 • 2件起 ($68/件)用蒜蓉牛油🧄🧈輕輕煎香表面，中間係刺身狀，保留到鮮甜味🤍.▪意式芝士忌廉菠菜比目魚柳 ($208)魚皮超脆💥比目魚柳簡單調味，魚肉肉質嫩滑🐟.▪斑點狗 Truffle Cheese Dog ($98)用左芝麻熱狗包，外面脆脆地，包心軟熟🌭脆皮熱狗腸加埋香濃黑松露蛋黃醬🖤 • 煙肉粒🥓 • 馬蘇里拉芝士🧀好滿足。上枱時已貼心幫我地分左2件，方便Share🤗.▪冷泡蘇格蘭威士忌茶 ($44)(天然花甜 • 無糖飲料 • 零卡路里 • 零添加劑)製作過程中，用左釀酒既木桶，所以無酒精成份，但有威士忌酒香氣🥃.▪Flat White ($40).~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻♀️需另加𝟏𝟎% 服務費🔺Menu有素食選擇🌱~•~•~•~•~•~•~•~•~•~•~•~•~•~•~•~•~•~•~•
繼續閱讀
都市人講求優質及健康生活，除了要飲食均衡，烹調方法亦同樣重要。早前舊同事就帶我同銅鑼灣的JIKKA吃燒雞，更表示餐廳主打低鹽、低糖及無味精，相當健康，充滿家的味道。餐廳的食物選擇挺多，有意大利粉、濃湯、熱狗及小食等。蘑菇湯蘑菇湯味道濃郁，內有全是蘑菇菇粒粒，非常足料。田園沙律 (煙三文魚,牛油果)沙律可選一款配料，我揀了牛油果，再加錢多加了煙三文魚，沙律菜新鮮清新，牛油果油潤，伴著帶有鹹香的三文魚及松子仁，口感豐富。手作蟹餅蟹餅口感外酥內軟，非常香口，每一口都有蟹鮮香味，蘸上沙律醬，巨惹味。原味燒雞全隻+2款配菜「原味燒雞」是餐廳的招牌菜，雞隻大細適中，雞皮薄身微脆，內層雞肉嫩滑，撕開時有滿滿的雞油及雞流出，而味道調得非常好，入口是有滿滿的牛油及香草味；配菜我點了粟米粒及炒蘑菇，粟米粒味道清甜，帶有濃郁牛油香；蘑菇口感爽脆，不會炒得過份軟淋，以出現水汪汪情況。海鮮香蒜橄欖油意粉(辣)意粉煙韌Q彈，入口時蒜香味道濃郁，又不失橄欖油的油潤感，配上肥美青口及爽彈大蝦，味道鮮味，整個配搭都非常好。甘筍蘋果汁及冷泡台灣烏龍桂花茶甘筍蘋果汁是鮮榨，健康清新；烏龍茶有獨特的韻及淡淡桂花香。
繼續閱讀
我地食咗牛舌，燒雞(半隻)同埋肉醬意粉，全部都熱辣辣好好食😋😋侍應好友善，態度好好！價錢抵食！👍🏼👍🏼👍🏼Menu有好多選擇!一定會番黎再食！😋😋😋
繼續閱讀
今次向openrice搵新餐廳試，見到銅鑼灣有燒雞食，隔離係水門雞，諗住如果伏就轉過隔離食。點知一去到就發現個裝修好靚，唔係普通餐廳嘅環境，牆上仲有設計師的作品。食物方面，因為係weekend，所以無午市套餐，但都必定要試下個燒雞。餐廳入面得幾個客人，但個燒雞都用左比較耐嘅時間先完成，好彩無令我失望，雞皮燒到脆卜卜，有炸子雞嘅感覺，入面保留多汁嘅雞肉，真係頂級好味，絕對對得住個價錢。相對之下個沙律就比較貴，一樣嘅價錢，要做健康的人，就要付出多少少。總括黎講，如果有日我又想舒服咁食雞，依度會係我嘅選擇之一，希望下次都仲keep到個質素啦。
繼續閱讀