影片
港鐵銅鑼灣站 E 出口, 步行約4分鐘
繼續閱讀
營業時間
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
相關文章
今次要介紹呢一間日式班戟專門店 我成日都會過去🙈味道真係唔錯值得大家一試！所以今日要推介俾大家😍呢度嘅裝修非常日系🇯🇵枱面有唔同嘅和紙 牆上面都有唔同貓貓嘅壁畫 仲會有桃花做背景 有古式優雅嘅氣氛👍🏻喺呢個空間度食甜品 真係心情都特別好！紫薯Mont Blanc班戟我叫咗呢款嘅顏色非常之特別 紫薯用一條條幼細而且好長 厚厚嘅一塵堆積成好似一座富士山😂紫薯味好自然 亦都好濃郁 甜度適中 口感好綿蜜 內層嘅班戟同雪糕可以自由選擇味道 我就揀咗抹茶味雪糕同朱古力班戟 鬆軟綿滑 蛋香味十足 抹茶雪糕好濃郁 抹茶味好重 兩者都好夾 仲有士多啤梨做點綴㗎！總括而言 呢間班戟專門店好值得大家過嚟試吓！
繼續閱讀
呢間日本過江龍Bookmark左一段時間，去到又心大心細唔知食邊樣好🤣 最後叫咗和食十品咩都有啲🤪 ✨和食十品 ($198)✨芒果拿破崙 ($138)和食十品有一個細烏冬，麻糬年糕袋，鮑魚，炸雞，叉燒，仲有迷你抹茶pancake同埋紅豆蛋糕，跟餐仲會有一杯凍焙茶～ 簡簡單單勝在可以每樣都食少少🤪店員極力推介呢個芒果拿破崙，所以都試咗一個～ 拿破崙焗得超級脆身，牛油味香，做到豐富嘅層次感😍 另外每一層都有忌廉同埋大量芒果，芒果好甜好正。另外呢度環境好日式都好適合打卡🥰
繼續閱讀
行過銅鑼灣 俾呢間餐廳嘅裝修設計吸引咗入去食😍呢度嘅落地玻璃設計 走日式木係和風路線😍仲有好多貓貓嘅掛畫 充滿日式風格！呢度嘅甜品主要圍繞班戟 話明班戟專門店 梗係要試吓佢哋嘅味道啦！蘋果金寶班戟呢個打卡一流 有隻貓貓個屁屁托住個盤 裏面放咗蘋果班戟同雲呢拿雪糕 雲呢拿雪糕好香甜 好重香草味 同班戟非常之夾 蘋果味都好重 好鬆軟 好重蛋香味 味道唔錯！黑摩卡班戟呢一個真係必叫！ 黑摩卡估唔到同班戟咁夾 味道少少苦澀 再襯托班cake嘅鬆軟 唔會好乾 免頭仲有隻蝴蝶 成個感覺非常之好食😋
繼續閱讀
今日同同事放lunch 諗唔到食咩好 同事介紹我去一間日式餐廳食lunch 佢話呢度好高質 味道唔錯 我哋一於去試吓😍呢度嘅環境非常有日式風格 餐廳都比較乾淨 店員嘅服務態度好好 會介紹吓呢個係咩菜式👍🏻值得讚賞！日式叉燒$128一上枱好震撼 有六大塊肥美嘅叉燒 叉燒好大塊好厚身 肥瘦均勻 豚肉嘅味道非常突出 一睇就知唔係雪藏貨 咬落去啖啖肉 加埋燒汁撈飯食 真係一流😋噴令海南雞 $128呢一款好惹味吸引 酸酸辣辣嘅咖喱味道非常之濃郁 海南雞好滑嫩無骨 咖喱汁唔會太稠 亦都唔會太稀 味道非常之濃郁 夾埋一齊食好開胃 同事話呢個唔錯㗎！下次我都要叫呢個先🙈
繼續閱讀
一日之計在於晨 對於我呢啲好晏起身但係又想食早餐嘅人來講 全日早餐真係我嘅福音😍呢間位於我屋企附近嘅日式餐廳 近銅鑼灣百德新街 裝修非常日式 成個環境都好舒服乾淨 連擺設同裝飾都充滿日式嘅風格 牆上面有好多唔同嘅貓貓圖案😍我今日叫咗呢個全日早餐 裏面有韓國大肉腸，薯餅，溫泉蛋，茄汁豆，烤芝士大菇，薄餅，沙律菜😍 非常之豐富！芝士大蘑菇非常之邪惡 味道非常之濃郁 又香又多汁 除此之外一定要讚下佢嘅韓國大肉腸 唔係人工製造腸 真材實料有肉味 亦都非常之厚身 每次過到嚟都一定要叫！ 早餐點少得薯餅 呢度嘅薯餅好香脆 唔會好油膩 好惹味🙈
繼續閱讀