無老鍋

營業中

休息中

台灣無老鍋同埋上海鼎王無老鍋都食過好多次，香港第一次食，不過覺得貴好多同埋冇咁好食。我哋四個女仔叫咗個牛肉拼盤，四款每款四片，一個海鮮拼盤，三款，每款三四件，一碟丸，一個菜籃，一個老油條，四杯嘢飲，2千幾蚊埋單。$58杯飲品味道麻麻地，杯檸檬茶，唔知點解有朱古力味。海鮮拼盤，急凍未溶雪，無味。老油條超硬，好似粥舖朝頭早賣剩咁，連我最鍾意飲嗰杯沙冰都麻麻哋，應該係碟丸最好食了。有啲失望，應該唔會再考慮過黎。

火鍋店設$750最低消費，服務員堅持二人枱給四人坐; 有四人空桌，卻只可留給六人座。 有空桌也不安排，車已泊入停車場🥶現場多張6人桌卻坐了4個人，不解！服務員只重覆這是公司規定。

麻辣鴨血湯底同安格斯牛肉都好好食仲有大大杯日本生啤環境唔錯，窗景欣賞倒K11，店內裝修都好簡約時尚最後送左個蜜桃冰沙，好清爽雖然有d貴，最後三人埋單二千蚊但對得住價錢既，可以再戰

聽過無老鍋呢間餐廳好多次，一直想試，星期五終於約到朋友去食！ 尖沙咀分店o係尖東地鐵站隔離，尚算方便我地book 左8:30pm，去到餐廳都依然坐滿，現今市道都幾難得！ 餐廳裝修新淨，樓底高，坐位都唔算迫，就算坐餐廳坐滿都唔會太嘈。我地點左鴛鴦鍋（冰淇淋豆腐鍋 + 無老辣香鍋) ，湯底出色，鴨血和豆腐無限任加，白飯也是自己於醬料區旁任添的。另外，我們還點了安格斯肥牛，梅花豬肉拼雞脾肉，花枝片，響鈴，綜合丸，娃娃菜等食材。整體食物質素新鮮，穩打穩紮！ 店員還介社交平台打咭可送一款自選肉類，我們選了牛腱，都幾大碟！ 最後，餐廳還安排每人一細杯水蜜桃沙冰解辣！ 埋單人均消費四百幾，唔算太貴，適合朋友聚會，美中不足的為餐廳有用餐限時！

由細到大都好鍾意打邊爐，但係食親嘅一間有一間咁執笠，所以都唔知邊間好食。有一次喺台灣食過無老鍋之後，發覺呢間嘢真係不得了，非常之好食。之後喺香港搵得到佢嘅足跡，就二話不說咁入去試。叫咗鴛鴦鍋，真係超級好食，任食豆腐同埋鴨血，淨係食呢兩款已經非常之惹味，再加上個湯底，就咁飲咗一啲都唔會覺得鹹，然後聽個店員推介，叫咗個牛嘅拼盤，啲牛好新鮮勁香牛味，唔似出面嗰啲舖頭，俾啲急凍有陣雪藏味牛肉你。然後再加多個丸嘅拼盤，啲丸又係好好食，全部都好彈牙，應該全部都係自己間舖頭整出嚟。其實仲有嗌咗個排骨酥，個排骨酥真係一定要推薦你去試，因為係舖頭自己整，好有台灣風味，好食到不得了。仲有嗰個雪糕豆腐，唔想講太多，因為真係好好食，起碼加添咗三次！佢本身張枱都包咗壺茶，茶已經好好飲，唔使再額外叫咩特別嘅飲品，除非真係好想飲啦

1. 整體店員欠主動，不主動加湯、豆腐、鴨血，亦沒有主動添茶水，完全沒有營造賓至如歸嘅感覺，跟台灣大不同。2. 在顧客提醒後，個別店員有黑面情況，語氣甚為「趕客」，顧客只是提出合要求，何以要「貼錢買難受」？3. 餐廳有漏單情況，店舖沒有措施杜絕相關情況，店員沒有跟進，令人失望。4. 食物質素符合預期，惟只能歸功於連鎖經營之生產線，與本分店關係不大。5. 特別表揚用餐當日銅鑼灣分店過檔之男性職員，待客之道及態度遠勝一籌，甚至能認出回頭客，份外親切👍6. 整體用餐體驗遠遜於銅鑼灣分店，宜改之，性價比甚低

終於食到大名鼎鼎的無老鍋, 相信好多人都知道無老鍋係台灣黎香港的過江龍!而過江龍最怕就係質素有走樣 我地今次唔係叫左特別多但無論湯底同埋肉, 我地都覺得係好食既!唔錯

知道香港終於都開左無老鍋已經好想黎食架喇懷念台灣既味道等熱潮無咁犀利個陣我地終於BOOK到喇個環境都好靚都坐得好舒服湯底我地嗌左鴛鴦鍋麵包豆腐白湯鍋+無老辣香鍋白湯夠哂味 豆腐好索湯辣鍋個麻辣好香 又唔會太辣加埋鴨血一齊食超夾我仲叫左份上選牛小排一份花枝片一份手工瑤柱滑一份萵荀其實已經好夠食因為鴨血同豆腐可以任加店員都會好主動問你要唔要加鴨血豆腐食到我地捧住個眶走真係好滿足

自從個客帶完我食完，成日心掛掛無老鍋陣味🤣1.打邊爐無論咩湯底，作為重口味既我非常在意調味料bar，蒜蓉係我一定要既醬，原來無老鍋係冇蒜蓉架～係蒜水😀又幾好喎！啲麵包豆腐點個汁超正！又啱我口味😋😋😋2.第二次食無老鍋，都係再食麵包豆腐鍋，飲完個湯先落野食😋好濃好香豆腐、雞味3.一個人叫咗個lunch set，好飽食唔哂有一碟牛、一碟豬、一份蝦滑、鍋底嘅豆腐同鴨血無限添食🤤 4.成日打完邊爐個口難免有浸蒜味，好鍾意佢哋喺客人完餐後，上一杯蜜桃沙冰，可以去除咗陣蒜味😂賣完單送咗個叉電器俾我，話係一周年紀念品，細細個都幾好用👍🏽

「人間仙境桃花源」作意境「以客為尊」的服務態度在台灣已經食過這間超受歡迎的火鍋店 ，今次同朋友聚會在香港食。ε٩(๑> ₃ <)۶з鴛鴦鍋（冰淇淋豆腐鍋+無老辣香鍋）點呢個鍋一次過可以品嚐兩種風味，兩款湯底各有千秋，豆腐白湯鍋使用雞骨、豬大骨、洋蔥、青蔥、薑、蒜頭等優質食材，造就鮮美湯頭，裏面亦都有少少中藥香辛料味。無老辣香鍋的辣只是微辣，比較濃郁香醇，中藥味都幾重，因為使用特製中藥香辛料熬製，仲加了洋蔥、青蔥、薑、蒜頭、雞骨、豬大骨........無老辣香鍋的風味令我想起小肥羊的湯底，可能大家同樣使用了中藥配料。湯頭特別造就了無老鍋的成功，鍋底入面仲添加獨特的「麵包豆腐」，豆腐吸收了湯底的精華，配合的特殊口感，超級美味。(｡◕∀◕｡)鴨血超級滑溜，可以無限添加。$588牛併盤 + 手工丸（牛邊抓 / 封門柳/ 牛頸脊/牛黃喉）牛頸脊位於牛頸與肩胛之間，其雪花紋分布細緻，有適量油花、肉質嫩滑又有咬口，肉味濃郁 。封門柳牛味濃郁，味道鮮甜。爪邊肉包著牛助骨的部位，牛脂比例豐富，肉味香，有質感。牛黃喉 是牛的通往心臟主動脈血管建議煮10-12秒，口感爽脆冰淇淋豆腐需下鍋煮1

本身好鍾意食台灣鴨血，一次可以食好舊😋😋😋同行朋友都好鍾食，臭味相投知道無老鍋的鴨血同豆腐可以任添🤩🤩🥳就一齊去食😍😍😍綜合餃同牛肉都好味，脆炸芋圓黃金球都好味整體嚟講都好味但美中不足是湯底令人有點口乾

天氣開始漸涼，又係打邊爐食火鍋嘅時候。終於可以試吓無老鍋。由於係平日去，所以人唔係太多，環境都幾舒服，座位嘅空間都算闊落。 叫咗個鴛鴦鍋，食辣同唔辣嘅人都可以顧及，一入到嚟已經聞到陣陣嘅麻辣火鍋味，十分之香，店員話豆腐同鴨血係可以無限添加叻過炸嘅芋圓, 煙煙韌韌，好似係like佢哋嘅FB ，就會有免費贈送。通常我哋叫嘅餸菜都係一啲嘅拼盤，咁就可以每樣都試啲，呢個牛肉拼盤唔錯，幾個方位都有，肉質都幾鮮甜，有啲部位滑滑哋，有白色嘅係爽爽地。呢個海鮮拼盤好方便，樣樣有少少，基本上都係新鮮嘅， 桂花蚌爽爽脆脆， 帶子同魚，肉質都鮮甜。餃子類羊肉卷，呢個OK唔會太臊味，剛好。蔬菜拼盤仲有幾款嘅滑。 蝦滑我覺得係OK嘅。竹笙基本上火鍋嚟講，算唔錯， 質量唔錯，後面有幾樽奶白色嘅湯係方便你自己加湯，幾個人坐得舒舒服服打邊爐，環境唔係太嘈雜可以傾吓偈。去到尾聲嘅時候，送咗一個冰雪嘅飲品。

去台灣🇹🇼既人都必定食過呢間😛服務：店員好親切同我地介紹呢到用餐環境，亦會不時收碟同添茶。值得一提既係紙巾，牙籤同充電位連線🔋都有預備俾客人，仲係放係櫃桶，完全唔怕整污糟。呢個舉動十分窩心💛💛如果有主動問我地要唔要加鴨血同豆腐就更好環境：入到去就見到好多天燈掛頂，即刻覺得台灣feel滿滿。用餐位置都闊落，唔會太逼～自助醬料區唔多配料，估因為湯底已經夠濃郁！另外，白飯都係無限供應👍🏻👍🏻食物：1. 麵包豆腐白湯鍋+無老香辣鍋 - $136 （鴛鴦鍋另加$88）白湯味道香濃鮮甜，麵包豆腐都吸曬裡面既藥膳、雞骨同豬骨既精華，淨係湯同豆腐鴨血都飲咗四五碗。如果要挑剔就是略嫌胡椒稍重辣湯比較溫和，比較重花椒八角，食開三哥小辣既我唔覺得辣🤪唔食辣既人可以一試！2. 特選牛拼盤 -$588有牛邊抓、封門柳、牛頸脊、牛黃喉其中牛邊抓好淋，入口即溶；封門柳就牛味重好多，口感比較厚實。配綜合丸（牛筋丸、蝦丸、墨魚丸同貢丸），款款真材實料，我覺得貢丸同牛筋丸最驚喜，入口超級爽口彈牙3. 濃香豆皮 -$38@2標榜台灣直送，望落好似響鈴😆😆食落比響鈴硬實，亦要煮三分鐘以上，吸埋d湯入去4. 招牌手工三色滑 -

乾淨企理，食物有水準，服務好，味道超正，價錢合理，是火煱界的五星級，尖沙咀店的景色也不錯，很好的體驗，一定回頭。餐後餐廳送了一小杯清涼飲料，是用心之作，唯獨只送不賣，回味無窮！👍👍👍👍👍地點在尖沙咀，不在地鐵上蓋，需要行出地面，所以稍為有點不便。但好處是人流不多，加上餐廳室內景色優雅明亮，食物味道好，也是一個相當不錯的用膳地方。很少寫食評，除非太差或太好忍不住才揮筆，但這餐廳是值得的，加油！

其實無老鍋唔係平價火鍋，亦係台灣過黎香港，但係服務爭得都遠門口店員係登記的時候講優惠及注意事項係斷斷續續咁講，一時又指示同事帶位行，但佢就係櫃枱向住另一面同空氣講優優等等，較古怪而到點餐主要係講主打冰淇淋豆腐鍋，可以用QR code落單就冇其他介紹😅食物雖然正常唔差，當然單價亦唔平，而湯頭相比起係台灣的無老鍋重薑味，雖然店員都有主動問加唔加鴨血豆腐，但明顯覺得全部店員都未熟手