影片
更多
2023-10-20
37 瀏覽
係中環想食好食既辣野要捐窿捐罅，今次食既瘋狂小面開係大廈一樓，招牌唔顯眼，唔係有朋友帶都未必揾到。.店面好大，座位好多，裝潢比較傳統中國風。菜單都比較簡單，自己填紙仔。麵有九款，再自行決定要唔要搭配飲品或者小食，價錢都會因為選擇而唔同。.🔹瘋狂肥腸面🔹豬大腸滷得非常入味，而且同平時食既大腸唔同，腸入面既肥油都已經刮乾淨，食落唔肥膩又保持到口感。麵底好彈牙，粗幼適中，好掛汁。湯底可以揀紅湯或者白湯，紅湯啱晒鍾意辣嘅人，辣味濃又帶有麻香，好惹味。🔹瘋狂擔擔面🔹擔擔面同肥腸面一樣面底，上面有肉燥、青瓜絲同花生粒，拌一拌勻就食得。食落有麻醬既香、花椒既麻、青瓜絲既爽脆同入味既肉燥，層次豐富，令人欲罷不能。.🔹棒棒雞🔹雞肉絲浸住係紅油到，每啖都超辣，食到冒汗但又忍唔住再夾。.🔹羅漢果冬瓜茶🔹好推介既特色飲品，甜度岩岩好，飲落清清地，解辣一流。
係中環想食好食既辣野要捐窿捐罅，今次食既瘋狂小面開係大廈一樓，招牌唔顯眼，唔係有朋友帶都未必揾到。.
店面好大，座位好多，裝潢比較傳統中國風。菜單都比較簡單，自己填紙仔。麵有九款，再自行決定要唔要搭配飲品或者小食，價錢都會因為選擇而唔同。
.
🔹瘋狂肥腸面🔹
豬大腸滷得非常入味，而且同平時食既大腸唔同，腸入面既肥油都已經刮乾淨，食落唔肥膩又保持到口感。麵底好彈牙，粗幼適中，好掛汁。湯底可以揀紅湯或者白湯，紅湯啱晒鍾意辣嘅人，辣味濃又帶有麻香，好惹味。
🔹瘋狂擔擔面🔹
擔擔面同肥腸面一樣面底，上面有肉燥、青瓜絲同花生粒，拌一拌勻就食得。食落有麻醬既香、花椒既麻、青瓜絲既爽脆同入味既肉燥，層次豐富，令人欲罷不能。
.
🔹棒棒雞🔹
雞肉絲浸住係紅油到，每啖都超辣，食到冒汗但又忍唔住再夾。
.
🔹羅漢果冬瓜茶🔹
好推介既特色飲品，甜度岩岩好，飲落清清地，解辣一流。
張貼
