Roji

營業中

休息中

餐廳隱身於蘭桂坊一條隱蔽寧靜既小巷子內，裝潢好有格調，半開放既座位設計，配以昏暗暖黃既燈光，好適合同朋友聚會小酌一番！🐣 Cartilage一款居酒屋佐酒小食🏮！餐廳選用左三角軟骨，而唔係坊間常見既膝骹軟骨，睇得出餐廳既用心☺️。入口鬆化，口感爽脆，灑上柚子鹽同海苔粉，再唧青檸汁🍋更加香而不膩！🍽️Scallops炙燒過既帶子刺身新鮮厚肉，入口軟綿，襯托既萵筍好爽脆，兩種唔同既口感交織，形成口腔明顯既對比，亦增添唔少風味。醬汁以柚子高湯同日本醋為主，清爽既味道好適合夏日炎炎🌞！🐟Hamachi簡簡單單既一道前菜！油甘魚質感軟腍，油脂豐腴，蘸上酸味味既柚子醬油，再配以清爽新鮮既三文魚籽同些少烏魚子，食個陣有一種清新開胃既感覺！上面既炸蒜片更有畫龍點睛既效果，食材整體搭配得宜。🍜Udon賣相平平無奇，然而惹味到一食就停唔到口🥰讚岐烏冬粗身煙韌，醬汁意想不到咁夾。鹹香既薑蓉同酥脆既蒜片🧄加埋creamy既明太子，味道好有層次！不過調味有啲似曾相識，感覺似平時食十蚊三包個啲撈麵汁。😂🥩A4 Wagyu Beef和牛肉味濃郁，入口油脂爆滿，廚房以慢煮方式烹調，配上柚子醋的酸味同蔬菜🥬既甜味，帶出肉既