影片
更多
2024-09-14
65 瀏覽
終於約到呢間Omakase，由以前北角食開，到搬咗去銅鑼灣仍然保持到高質素，餐廳空間唔算好大，每晚招待到十二個客人左右，所以記得book定位。每一個/對客人都有一個特定嘅師傅招呼，由製作到介紹，絕不馬虎。Omakase講求環境服務，呢度嘅環境舒適寧靜，雖然唔係豪華裝修，但有日本地道感覺，服務態度好，經常換碟斟茶，照顧到食客。前菜有新鮮蕃茄醃製南瓜，非常新鮮，酸度恰當，好醒胃。跟住有北海道生蠔，配沖繩海葡萄同三文魚籽吊味，加埋自家製啫喱、柚子皮，味道好多層次，加埋生蠔新鮮肥美，口感食落爽口，特別鍾意佢停留喺口腔嘅creamy味道。再嚟係高級食材，原隻北海道紫海膽，加啲三文魚籽，切碎嘅甜蝦肉，配法國Caviar，味蕾既享受😎前菜繼續有西班牙紅蝦，底部放咗炙燒過既蝦頭膏醬，非常香，蝦頭拎去脆炸完配椒鹽粉，索索聲又香，好正。刺身應該係按時節，師傅話今次就係「平政魚 」，一種夏天魚，係油甘魚近親，偏清甜，所以師傳用咗啲松露豉油去吊多啲味道。另外仲有爽軟既北海道北寄貝，配青檸汁，令口感味道都特別fresh。燒物有「腦天」，係吞拿魚額頭，燒香 配中吞拿魚刺身夾紫蘇葉海鹽，油脂香味十足前菜未完，仲有用
每一個/對客人都有一個特定嘅師傅招呼，由製作到介紹，絕不馬虎。Omakase講求環境服務，呢度嘅環境舒適寧靜，雖然唔係豪華裝修，但有日本地道感覺，服務態度好，經常換碟斟茶，照顧到食客。
前菜有新鮮蕃茄醃製南瓜，非常新鮮，酸度恰當，好醒胃。
跟住有北海道生蠔，配沖繩海葡萄同三文魚籽吊味，加埋自家製啫喱、柚子皮，味道好多層次，加埋生蠔新鮮肥美，口感食落爽口，特別鍾意佢停留喺口腔嘅creamy味道。
再嚟係高級食材，原隻北海道紫海膽，加啲三文魚籽，切碎嘅甜蝦肉，配法國Caviar，味蕾既享受😎
前菜繼續有西班牙紅蝦，底部放咗炙燒過既蝦頭膏醬，非常香，蝦頭拎去脆炸完配椒鹽粉，索索聲又香，好正。
刺身應該係按時節，師傅話今次就係「平政魚 」，一種夏天魚，係油甘魚近親，偏清甜，所以師傳用咗啲松露豉油去吊多啲味道。另外仲有爽軟既北海道北寄貝，配青檸汁，令口感味道都特別fresh。
燒物有「腦天」，係吞拿魚額頭，燒香 配中吞拿魚刺身夾紫蘇葉海鹽，油脂香味十足
前菜未完，仲有用味醂昆布酒醃製兩日既機主鮑魚，味道口感都好正
再有燒三文魚下巴位 （稀有部位），加分子料理南瓜湯球，一口過咬好過隱
跟住就有五款壽司，包括真鯛魚、煙燻炭燒深海池魚 煙燻炭燒，北海道豈知次 ，北海道馬糞海膽壽司等。師傅熟悉每款壽司配搭，用適當嘅調味料，帶出每款魚肉既味道
最後仲有魚湯，用魚頭魚肉加豬骨煲5-6小時，補翻啲膠原bb，加埋靜岡蜜瓜作結尾，非常滿足
張貼
