鮮入圍煮 (已搬遷) 新店位置

天氣越嚟越熱，想食打邊爐都基本上會出去食，因為喺屋企打真係好鬼熱🙈，又要預備材料。今次就同朋友去咗鮮入圍煮度打邊爐，叫咗佢哋嘅招牌濃厚原隻雞煲花膠湯（$2️⃣6️⃣8️⃣）。入面雞件同花膠份量都非常多，所以個湯底亦都非常之濃，充滿膠質，即刻覺得勁補🤩，勁滋潤。因為個湯底本身都好多料，所以我哋叫嘅餸唔多，同埋我哋得兩個人真係食唔到太多。炸響鈴（$4️⃣8️⃣)同埋蟹子鮮蝦滑（$8️⃣8️⃣）真係必叫。炸響鈴一份有九條😛，索晒啲湯汁真係好正。我同朋友就最中意蟹子鮮蝦滑，食得出好有蝦味，而且打到起晒膠，好彈牙又鮮甜，雖然$88一份，但絕對值呢個價，而且佢份量都幾多下，呢個真係必點！建議大家下次嚟都係叫多少少人，咁就可以試多啲唔同嘅嘢。