影片
更多
2024-03-13
87 瀏覽
知道朋友仔同屋企人都鍾意食鐵板燒，於是搵左一間位於銅鑼灣既餐廳。當時適逢過節，硬性規定要俾訂金同嗌套餐，好彩食後感都好良好，屋企人都好稱心滿意🥰🥗鮮蝦青木瓜沙律顏色鮮艷既沙律，有橙色既小番茄，青綠色既木瓜絲，翠綠既沙律菜，搭配爽胃既柚子醋，再加上兩隻冰鮮大蝦，作為前菜黎講好開胃同新鮮！🦀蟹肉牛油果脆脆牛油果磨成糊狀，拌入蟹肉絲，再係上面鋪小小三文魚子。濃郁既牛油果，配上鹹鮮既魚子同蟹肉，呢個組合配搭唔錯！🦞澳州龍蝦眼見師傅係魚缸新鮮捕獲西澳龍蝦，仲游緊水好生猛，師傅輕鬆兩三下功夫就將龍蝦洗淨放尿，去殻拆肉，再俾我地影相打卡🤭蝦肉好爽口彈牙，蝦膏濃郁甘甜，用左牛油一齊烹煮更加惹味！🦆法國鴨肝鴨肝煎得外脆內軟，油花爆棚，口感一般般，唔夠鵝肝咁軟棉棉。雖然有無花果醋為醬汁，但食到第三四啖都覺得好油膩，個種油脂感係口腔揮之不去，食到個人好鬱悶🫠要不斷飲水沖淡味道。🐄澳洲牛柳🥢香煎野菜牛柳油脂分佈均勻，煮至五成熟，師傅火喉控制得宜，入口好軟腍多汁。碟旁邊有提供竹灰鹽同山葵，覺得就咁食已經肉味香調，唔需要其他配襯。本來以為香煎野菜係廚師即席炒一大堆雜菜🫣點知呢度比較特別，取以代之既係煎大啡菇，南瓜
🥗鮮蝦青木瓜沙律
顏色鮮艷既沙律，有橙色既小番茄，青綠色既木瓜絲，翠綠既沙律菜，搭配爽胃既柚子醋，再加上兩隻冰鮮大蝦，作為前菜黎講好開胃同新鮮！
🦀蟹肉牛油果脆脆
牛油果磨成糊狀，拌入蟹肉絲，再係上面鋪小小三文魚子。濃郁既牛油果，配上鹹鮮既魚子同蟹肉，呢個組合配搭唔錯！
🦞澳州龍蝦
眼見師傅係魚缸新鮮捕獲西澳龍蝦，仲游緊水好生猛，師傅輕鬆兩三下功夫就將龍蝦洗淨放尿，去殻拆肉，再俾我地影相打卡🤭
蝦肉好爽口彈牙，蝦膏濃郁甘甜，用左牛油一齊烹煮更加惹味！
🦆法國鴨肝
鴨肝煎得外脆內軟，油花爆棚，口感一般般，唔夠鵝肝咁軟棉棉。雖然有無花果醋為醬汁，但食到第三四啖都覺得好油膩，個種油脂感係口腔揮之不去，食到個人好鬱悶🫠要不斷飲水沖淡味道。
🐄澳洲牛柳
🥢香煎野菜
牛柳油脂分佈均勻，煮至五成熟，師傅火喉控制得宜，入口好軟腍多汁。碟旁邊有提供竹灰鹽同山葵，覺得就咁食已經肉味香調，唔需要其他配襯。
本來以為香煎野菜係廚師即席炒一大堆雜菜🫣點知呢度比較特別，取以代之既係煎大啡菇，南瓜同青瓜，令擺盤更有色彩同講究。
🥢清酒煮蜆
湯底以鰹魚和清酒為主，搭配鮮甜既蜆肉，本菇同昆布，湯頭好清澈暖胃，熱辣辣令人係冬天好暖和又窩心！
🥢海膽炒飯
炒飯用上海膽，紅蘿蔔🥕，雞蛋同蔥花，香噴噴既米粉色香味俱全，飯粒亦炒得好鑊氣同粒粒分明。每人一大碗食完真係好滿足！
🍨甜品
📍御鐵
銅鑼灣駱克道487-489號駱克駅13樓
張貼
