更多
2020-09-13
3970 瀏覽
畢竟處世做人咁多年,放空既時間都會思考一下人生既奧秘。當一粒米可以養到百樣人,我又可以為呢個社會做D咩? 有權利就有義務,有能力就有責任。命運呢樣野的確可以掌握,靠自己唔洗求神,今日我就交托我既命運係我最愛既鐵板燒之店,位於中環既「Kura Teppanyaki · Bar」,就知我對佢地好有信心,今次二訪試下佢地新推出既brunch menu,呢個選擇係絕對正確!👇📌Premium Brunch Six Course - $980/two ▪ Seasonal · Sashimi Platter -▫ 第一道要大讚既係「季節 · 刺身拼盤」,精緻有心思既擺盤已經相當搶眼。中間既「拖羅」入口即融,油香十足,帶少少咬口,唔錯;隔離既「北海道活帆立貝 · 煙薰鹽」食落爽脆,同平時既帶子有少少唔同,清甜得黎帶多一份鹹香;當然唔少得最後「海深池魚 · 無花果 · 紅酒醋」,本身池魚食落肉質爽厚甜潤,滋味無窮;加埋無花果一齊食,有種份外既清甜!▪ Caesar Salad · Soft-boiled Egg -▫ 鐵板燒一向都比較油膩,想清清地平衡下味蕾,可以試下呢個「溫泉蛋 · 凱薩沙律」。煙
我又可以為呢個社會做D咩? 有權利就有義務,有能力就有責任。命運呢樣野的確可以掌握,
靠自己唔洗求神,今日我就交托我既命運係我最愛既鐵板燒之店,位於中環既
「Kura Teppanyaki · Bar」,就知我對佢地好有信心,今次二訪試下佢地新推出既
brunch menu,呢個選擇係絕對正確!👇
📌Premium Brunch Six Course - $9 80/two
▪ Seasonal · Sashimi Platter -
▫ 第一道要大讚既係「季節 · 刺身拼盤」,精緻有心思既擺盤已經相當搶眼。
中間既「拖羅」入口即融,油香十足,帶少少咬口,唔錯;
隔離既「北海道活帆立貝 · 煙薰鹽」食落爽脆,同平時既帶子有少少唔同,
清甜得黎帶多一份鹹香;當然唔少得最後「海深池魚 · 無花果 · 紅酒醋」,
本身池魚食落肉質爽厚甜潤,滋味無窮;加埋無花果一齊食,有種份外既清甜!
▪ Caesar Salad · Soft-boiled Egg -
▫ 鐵板燒一向都比較油膩,想清清地平衡下味蕾,可以試下呢個「溫泉蛋 · 凱薩沙律」。
煙肉炒得好煙靭,有咬口;而溫泉蛋較既溫度岩岩好,吉開仲有流心蛋汁,呢點抵讚;
沙律菜新鮮得黎仲有啖啖芝士,香口又健康!
▪ Boston Lobster · Teppanyaki -
▫ 最期待既主菜「波士頓龍蝦 · 鐵板燒」終於殺到,呢道菜用左牛油、蒜香做成,
離遠聞都聞到香。而每啖龍蝦肉食落非常鮮甜,再加上龍蝦膏調製既醬汁,
香濃得黎又唔會太膩,相當好食!
▪ Fried Beef Tenderloin · Garlic -
▫ 另一炒物「蒜片 · 炒牛柳」亦唔輸蝕,入口一路咬一路散播油份,
加上香蒜片提升成個牛柳既層次,份外惹味。而牛柳食落軟腍入味,肉汁豐富,
又唔會太乾身,顯得大廚既功架十足!
▪ Assorted Vegetable · Teppanyaki -
▫ 加左海量木魚花既「鉄板 · 炒野菜」,黎到既時侯有強烈既動感,
加上爽口既椰菜,每一啖相當清新又惹味。
▪ Fried Rice · Sea Urchin & Crabmeat -
▫ 一秒愛上既「海膽蟹肉 · 炒飯」,大大舊海膽蓋住個蟹肉炒飯,
淨係呢個賣相都引死人。而食落蟹肉鮮甜,加上連埋炒過既飯式,
有咬口得黎又有焦香,唔錯;配搭金黃光澤既海膽,加強口感,好食到不得了!
▪ 三芳菊 · 疫病退散 -
▫ 呢枝sake套餐包埋既,仲有4-5款選擇比你揀,今次我地揀左呢枝「三芳菊」,
樽上有兩隻怪物,係日本相傳既見到佢地,d病都會好返既,而最有意思係呢枝酒係
為左今年既疫情而設,好特別。而入口甜甜地,反而無我想像中咁嗆咁dry,
就算女士們都會覺得好易入口。
張貼