泰國婆

營業中

休息中

同老公約朋友去呢間新開泰國菜，價錢合理食物份量ok質素又有意外驚喜。香茅雞翼（4隻）甘香脆口，「泰」好味。泰式燒豬頸肉軟滑，爽口彈牙，香口又惹味，食完一件又一件，難以抗拒。泰式南京椰汁雞湯我一向怕飲雞湯，覺得好肥膩，意外地雞湯濃郁唔算肥又好香椰汁味，好飲又滋潤。泰式鳳瓜沙律口感爽脆，味道酸辣，非常開胃。泰式海南雞飯雞肉肥美，超嫩滑，食出雞味。鳳尾蝦炒金邊粉金邊粉炒得夠鑊氣，味道酸甜開胃，金邊粉軟硬度適中。泰式船湯河（牛肉片＋牛丸5粒+炸豬皮）湯底頗濃，牛丸彈牙。泰式菠蘿创冰朋友讚好好飲，下次要試。黑糖龍眼冰（少冰）好多龍眼，清涼又解膩。泰式街頭椰子粟米雪糕朋友話呢個甜品係必食，果然冇介紹錯。椰子味好濃，裏面有椰子肉，粟米，味道好夾，甜度適中，食完煎炸濃味嘢，食返呢個啱啱好，好清新。