翠林辣蟹舫

食海鮮最緊要新鮮，雖然香港有好多餐廳都以海鮮作招徠，但試過不少都名不符實，唔新鮮不特止，仲要收得好貴，簡直有被搵笨嘅感覺😓。朋友生日，佢又鍾意食蟹，所以就喺OpenRice搵吓idea，睇吓同佢食邊間好。見到翠林辣蟹坊超多like😲，細閱menu更加見到除咗一貫嘅避風塘炒蟹同埋薑蔥蟹，仲有黃金流沙蟹，又聽聞呢個係佢哋嘅得獎菜式，所以就決定去會一會佢😎。收工七點幾上到去，已經差不多滿座，幸好我有預先訂位。侍應好有禮貌咁招呼我哋坐低，枱與枱之間唔會好近，座位寬闊，感覺唔會好迫夾。第一個要叫嘅，當然係佢哋嘅招牌菜 - 黃金流沙蟹，而家做緊$688八折。個蟹一上枱，已經聞到好香嘅蟹味，未食都已經口水直流🤤。大大隻嘅肉蟹，再加上炸到金黃色嘅脆脆，賣相相當吸引。雖然隻蟹唔多膏，但一食落去已經覺得好新鮮，隻蟹走過油所以個殼好香脆，內裏仲係好濕潤，實在煮得恰到好處。雖然佢冇我喺星加坡食嘅白胡椒蟹咁大隻，但佢嘅美味程度絕不遜色，可以話係色香味俱全👍🏻👍🏻。除咗蟹，我哋都叫咗幾個小菜，價錢由幾十蚊至百幾蚊不等。蠔餅炸得好香脆，最重要係多蠔仔，沾上魚露真係絕配！喺出面食蠔餅，好多時都係炸漿多蠔仔少，感覺自己