影片
更多
2013-09-14
856 瀏覽
早前，出席咗「開飯」嘅「開飯搶鮮試！水果月餅大比拼」試食活動，舉行地點晌西灣河嘅Teavers，一共試咗8款以水果為餡嘅月餅，並由專人精心挑選8款唔同嘅熱茶嚟配襯，可謂有心思到極 。當晚所試到嘅有傳統餅皮，亦有多款冰皮，包括鴻星蔓越莓鳳梨酥月餅、萬豪中菜廳迷你蛋黃藍莓月餅、8度海逸酒店鮮鳳梨月餅、東海堂日本白桃冰皮月餅、美心番石榴杏脯冰皮月餅、榮華蘋果粒粒斑蘭豆蓉冰皮月餅、大班法國血橙豆蓉冰皮月餅、聖安娜Super Lemon冰皮月餅，大家睇番當日總結（http://www.openrice.com/restaurant/article/detail.htm?article_id=1832）就已經可以略知一二，小弟亦無必要太重複樣樣再講 ，反而想分享當中3款喺小弟俾得較高分嘅月餅。 鮮鳳梨月餅 8度推出咗兩款自家製月餅：沖繩黑糖黑芝麻月餅（$198 / 8件）及鮮鳳梨月餅（$208 / 8件），今晚試食嘅喺後者，其實之前做過團購，不過只喺8折左右唔算好吸引，而酒店標榜用上頂級新鮮菠蘿、有機黃糖製作，務求打破食月餅唔健康嘅壞印象 。先睇月餅嘅橫切面，可見餅皮挺薄身，而且內裡填
當晚所試到嘅有傳統餅皮，亦有多款冰皮，包括鴻星蔓越莓鳳梨酥月餅、萬豪中菜廳迷你蛋黃藍莓月餅、8度海逸酒店鮮鳳梨月餅、東海堂日本白桃冰皮月餅、美心番石榴杏脯冰皮月餅、榮華蘋果粒粒斑蘭豆蓉冰皮月餅、大班法國血橙豆蓉冰皮月餅、聖安娜Super Lemon冰皮月餅，大家睇番當日總結（http://www.openrice.com/restaurant/article/detail.htm?article_id=1832）就已經可以略知一二，小弟亦無必要太重複樣樣再講 ，反而想分享當中3款喺小弟俾得較高分嘅月餅。鮮鳳梨月餅
8度推出咗兩款自家製月餅：沖繩黑糖黑芝麻月餅（$198 / 8件）及鮮鳳梨月餅（$208 / 8件），今晚試食嘅喺後者，其實之前做過團購，不過只喺8折左右唔算好吸引，而酒店標榜用上頂級新鮮菠蘿、有機黃糖製作，務求打破食月餅唔健康嘅壞印象 。先睇月餅嘅橫切面，可見餅皮挺薄身，而且內裡填得滿滿果肉，誠然好似大部份食家所講，果肉有啲酸，菠蘿味未算好突出，但小弟鍾意佢絲絲菠蘿果肉纖維，咬落甚有質感，唔太甜，帶少少酸，味道清新，感覺較為天然，食月餅少有咁清新嘅感覺 。相反，太甜，太香菠蘿味又貪心唔知會唔會加咗糖精、香精，總之無添加，嚟得自然就最好不過嘅。
Teavers配茶建議喺猴子採（馬騮搣），雖然小弟唔喺識茶之人，但飲落都覺得茶甘不澀，感覺舒暢。
張貼
