影片
更多
4天前
81 瀏覽
接近年尾，兩公婆都比較多嘢搞，所以，今晚都爭取時間，唔煮飯出街食，乾手淨腳。因為都要落深水埗，就諗起不如順道過嚟「雪山冰廳」食晚飯，話晒食過知佢水準去到邊。對比上一次嚟，呢一間總店已經喺2018年嘅事，今次再嚟，感覺唔同晒，除咗裝潢新簇簇之外，地方亦好似大咗好多，事後睇番以前啲食評舊相，原來多咗隔離眼鏡鋪個鋪位，加上燈火光猛，卡位非常闊落，確喺感覺好好多。最搞嘢喺，全場有兩個「自閉位」，啱啱有條柱閘住，寧寧舍舍單獨咗出嚟，啱晒啲唔想同人搭枱嘅單丁客，做個孤獨的美食家，邊食邊煲劇都未必有人理。有別一般茶記將啲「架生」放晌枱側嘅櫃桶，而喺將簡單嘅調味料、餐具、餐牌放晒晌枱面旁，阿姐亦好醒目，嚟兩杯熱水俾客人洗洗刀叉、筷子，而且，都好有禮貌。兩大本餐牌，食物款式包羅萬有，亦喺茶記嘅特色。餐牌過咗膠面，影出嚟有啲反光，好彩喺收銀旁有啲郵寄單張攞，掃描出嚟俾大家參考就一目了然。另外，喺牆上仲寫咗一系列是日鮮魚，有黃花䱽、三刀、䱽魚、盲鰽，整法可以轉換，唔喺咁多茶記會提供咁多魚鮮菜式。此外，仲有一個砂煲、火鍋嘅應節菜式：迷你秘製雙冬羊腩煲、椰子文昌走地雞窩、特級牛肩胛香濃沙嗲鍋，咁呢幾日喺入冬以嚟
對比上一次嚟，呢一間總店已經喺2018年嘅事，今次再嚟，感覺唔同晒，除咗裝潢新簇簇之外，地方亦好似大咗好多，事後睇番以前啲食評舊相，原來多咗隔離眼鏡鋪個鋪位，加上燈火光猛，卡位非常闊落，確喺感覺好好多。
最搞嘢喺，全場有兩個「自閉位」，啱啱有條柱閘住，寧寧舍舍單獨咗出嚟，啱晒啲唔想同人搭枱嘅單丁客，做個孤獨的美食家，邊食邊煲劇都未必有人理。
有別一般茶記將啲「架生」放晌枱側嘅櫃桶，而喺將簡單嘅調味料、餐具、餐牌放晒晌枱面旁，阿姐亦好醒目，嚟兩杯熱水俾客人洗洗刀叉、筷子，而且，都好有禮貌。
兩大本餐牌，食物款式包羅萬有，亦喺茶記嘅特色。餐牌過咗膠面，影出嚟有啲反光，好彩喺收銀旁有啲郵寄單張攞，掃描出嚟俾大家參考就一目了然。
另外，喺牆上仲寫咗一系列是日鮮魚，有黃花䱽、三刀、䱽魚、盲鰽，整法可以轉換，唔喺咁多茶記會提供咁多魚鮮菜式。
此外，仲有一個砂煲、火鍋嘅應節菜式：迷你秘製雙冬羊腩煲、椰子文昌走地雞窩、特級牛肩胛香濃沙嗲鍋，咁呢幾日喺入冬以嚟最凍嗰幾日，加上老婆都食得羊，所以，點都叫個羊腩煲滾住食啦。
溫馨提示，羊腩煲喺一個煲仔菜，唔喺餐，亦唔可以轉餐，所以，唔包白飯、嘢飲。另外，老婆一向好鍾意食蒸魚，咁自不然嗌一客蒸魚菜式，呢個就可以加$6轉為套餐，就包咗白飯同熱飲，老婆本身亦唔好餐飲，我哋食飯嘅量亦唔多，所以，加一個白飯、一個餐飲就啱啱好。
迷你秘製雙冬羊腩煲 $168雖然話喺迷你，其實，份量唔少，兩個人食就啱啱好，仲有就喺熱住食可以慢慢嘆，唔使擔心好快凍晒。雙冬即喺冬菇同冬筍，前者厚身又有菇香，後者好有爽脆感，而啲羊腩好腍好嫩，但就一啲都唔羶，沾上少少腐乳更有風味，另外附送一 兜生菜，令今餐絕對夠晒纖維質，此外個汁底幾香，撈飯食都好正。
迷你秘製雙冬羊腩
$168
11 瀏覽
0 讚好
0 留言
清蒸煎盲鰽 $98落單時，侍應都說明蒸魚鮮需要等15-20分鐘，不過，最後都比我哋預期嘅時間快好多，同埋目測所見，真喺好多人都有嗌蒸魚。碟盲曹真喺好大條，而蒸嘅火喉啱啱好，啲肉無黐骨，非常之嫩滑，就喺因為清蒸，所以，魚嘅鮮甜味非常之突出。
清蒸煎盲鰽
$98
0 瀏覽
0 讚好
0 留言
熱奶茶 +$6晌茶記餐飲都喺慣性嗌熱奶茶。單睇茶色都幾對辦，飲落茶味幾芳香，茶底亦幾醇厚，跟奶嘅比例啱啱好，好合我口味，口感順滑，個人嚟講絕對喺一杯高水準嘅奶茶，晌小弟心目中，就算唔喺排第一，都喺頭幾位。
食完之後，阿姐仲會專登幫我哋執乾淨張枱，仲話可以慢慢坐。雖然都陸陸續續有客入嚟，有客離開，不過，都無謂阻人做生意，打道回府繼續忙下屋企嘢。
張貼
