和宴

營業中

休息中

呢間燒肉餐廳我來過好幾次，每次都無失望。前幾日同朋友又來左次，叫左佢地嘅燒肉套餐，份量剛好，而且食材都好新鮮。特製宮崎和牛他他配法包入口就感受到個份油香，肉質嫩滑，配埋脆脆嘅法包，層次感滿滿。韓式海鮮煎餅煎得好香脆，而且唔會太油膩，海鮮餡料都相當新鮮。迷你沙律口感好清新，夠爽口。來到主角嘅部份，宮崎和牛薄切牛板腱壽喜燒風配日本蛋，牛肉夠薄切，代呢埋生雞蛋，入口真係超滑，正呀！薄切牛舌芯配鹽蔥汁粉量適中，肉質好彈牙，鹽蔥汁提升左成個牛舌芯嘅滋味。宮崎和牛上牛排肉入口軟嫩，完全無肥膏嘅油膩感。至於澳洲和牛特上牛肩肉眼，肉味比較濃郁，適合鍾意食重口味牛肉嘅你～豬肉方面，我地揀左鹿兒島豚五花肉，燒完之後帶少許油脂香，口感幾好。仲有海老拼原隻帆立貝，帆立貝好鮮甜，蝦都燒得岩岩好，唔會過火。最後黑糖珍珠雪糕同迷你盛岡冷面，一個甜一個清，圓滿左呢一餐。仲飲左柚子蜜梳打同波子汽水，飲品放main算係清新解膩。呢度嘅燒肉真係值得一試，食材質素高，環境舒適。不論係同朋友gathering定慶祝生日都好推介比大家。