影片
更多
2023-05-06
73 瀏覽
【東區】【魚事者】幾難諗點寫呢餐飯，因為呢餐飯嘅出現係幾有趣，首先係我同一位朋友諗唔到食乜，然後去咗食麻辣嘢。食緊麻辣嘢嘅時候，又講起呢間喎，咁食完麻辣嘢行咗陣就走咗嚟呢邊飲杯嘢食少少嘢咁，所以定義唔到佢係晚飯定宵夜。朋友講到呢間嘢咁得意，就用 $58 試吓佢個「咩都有啲小食拼盤」，有「秘製炸魚無薯條」、「炸燒賣」、「炸芫荽燒賣」同「雞軟骨」，個炸魚薯條係炸魚唔係薯條，即係佢其實係一條條炸魚條，係真係幾有趣同幾創新嘅。味道上，坦白講都只係一般，係夠創新值得試一次咁解。反而畀人點炸物嘅嗰碟「魚辣醬」先係精粹，辣辣哋之餘又有鮮魚香，好正。另外我仲有叫 $10 嘅「椰汁小唐糕」，個感覺就好似食緊椰汁味嘅年糕咁，又係幾得意嘅。飲品方面我哋叫咗同屬 $23 嘅「洛神花山楂雪梨茶」同「夏菊羅漢果茶」，我同朋友都冇乜感覺，正常嘢飲囉。咁樣食法，兩位埋單 $114 我又唔覺得過份，之但係始終食得比較少嘢，我想寫得全面啲，就自己二訪咗佢哋。今次食正餐，我就揀咗「羅定魚腐+魚皮餃×牛丸」配「白雪雪魚湯」同「爽彈魚麵」，可惜嘅係幾樣嘢都頗為平庸，冇乜驚喜，味道正常。加 $8 飲杯「凍朱古力」少冰，都唔期望佢
朋友講到呢間嘢咁得意，就用 $58 試吓佢個「咩都有啲小食拼盤」，有「秘製炸魚無薯條」、「炸燒賣」、「炸芫荽燒賣」同「雞軟骨」，個炸魚薯條係炸魚唔係薯條，即係佢其實係一條條炸魚條，係真係幾有趣同幾創新嘅。
味道上，坦白講都只係一般，係夠創新值得試一次咁解。反而畀人點炸物嘅嗰碟「魚辣醬」先係精粹，辣辣哋之餘又有鮮魚香，好正。另外我仲有叫 $10 嘅「椰汁小唐糕」，個感覺就好似食緊椰汁味嘅年糕咁，又係幾得意嘅。
飲品方面我哋叫咗同屬 $23 嘅「洛神花山楂雪梨茶」同「夏菊羅漢果茶」，我同朋友都冇乜感覺，正常嘢飲囉。咁樣食法，兩位埋單 $114 我又唔覺得過份，之但係始終食得比較少嘢，我想寫得全面啲，就自己二訪咗佢哋。
今次食正餐，我就揀咗「羅定魚腐+魚皮餃×牛丸」配「白雪雪魚湯」同「爽彈魚麵」，可惜嘅係幾樣嘢都頗為平庸，冇乜驚喜，味道正常。加 $8 飲杯「凍朱古力」少冰，都唔期望佢有咩重大嘅突破，加錢配啲小食嚟睇吓點。
本身主食都想配「黑白鴛鴦春卷」，原來可以加 $10 當小食咁跟，試埋佢，可惜味道冇特別，又食唔出兩款春卷分別。之後係 $28 嘅「炸魚狗腸」，中間其實係一條魚卷，冇其他，配埋個醬都唔係話好好食，幾特別咁囉。
始終個精粹都係喺個「魚辣醬」度，可以令到不嬲食嘢都唔多點醬嘅我食到好過癮嘅一個醬。不過今次可能已經有個期望，所以驚喜度細咗，但都係好食嘅。今次呢餐就食咗 $106，只能夠話佢值得試嘅原因係啲菜式夠特別囉。。。
（地址：北角炮台山宏安道14-28號威德閣地下14號舖）
#1amfoodie #foodie #topcitybiteshk #thatfoodiething #instagood #love #hkfoodblog #globaleats #foodieman #1am東區 #炮台山 #魚事者 #咩都有啲小食拼盤 #秘製炸魚無薯條 #炸燒賣 #炸芫荽燒賣 #雞軟骨 #魚辣醬 #椰汁小唐糕 #洛神花山楂雪梨茶 #夏菊羅漢果茶 #羅定魚腐 #魚皮餃 #牛丸 #白雪雪魚湯 #爽彈魚麵 #黑白鴛鴦春卷 #炸魚狗腸 #1am0812 #1ambackup
張貼
