新大光燈

營業中

休息中

【油尖旺區】【新大光燈】一直以來我做呢個 foodie 都係為咗女同事而做，但係慢慢覺得自己其實都享受個過程，為別人而做不如為自己而做。然而，女同事幾年前話想我講多少少紅館附近嘅餐廳，我都永銘於心。雖然近年因為種種原因而少咗講，但係只要我可以做，我就會去做。嚟到尖東噴水池附近嘅呢間「新大光燈馳名巷仔雲吞麵」，見佢唔係嗰啲好 heavy 嘅嘢，就自費食吓佢啦。我見佢哋個 $58 嘅「柱候牛筋腩撈伊麵」幾吸引，仲免費配罐「可樂」，就叫咗個嚟食。食落只能夠講係可以，同埋份量都夠，唔算好差咁囉。咁我知道呢間始終都係食雲吞麵嘅，咁就叫碗 $42 嘅「正吞交」嚟食，即係「淨雲吞水餃」呀，哈哈。估唔到佢哋啲水餃仲好食過雲吞，係真係好食嗰隻，個餡口感幾好，可能係咁就搞到啲雲吞黯然失色啦。係啲水餃救返餐飯，令到呢 $100 好似冇咁唔抵。。。（地址：尖沙咀麽地道67號半島中心地下G36號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies