影片
更多
2024-08-15
647 瀏覽
之前好耐都喺旺角創興廣場行街，然後一直都有留意到呢間【盈館】，見佢哋主打點心、粵菜，所以一直都想搵個時間嚟試吓。上個禮拜六終於約咗時間嚟呢度食。呢度裝潢都幾優雅，仲帶有啲老廣嘅味道，食飯環境好舒服，而且唔會好嘈。呢度叫咗佢哋嘅招牌【食神叉燒飯】，份量好多，佢哋秘製嘅蜜醬配住白飯好香，鹹蛋令到呢碗飯多咗啲風味。叉燒好香，濃郁嘅燒臘味充滿晒成個口腔，外層仲包住香甜嘅蜜汁，配住飯食好惹味。【鮮蝦蒜香脆春卷】好脆，蒜味唔會太嗆，配埋蝦獨有嘅海鮮鮮味，令到成條春卷味道好豐富，每一啖咬落去嘅「咔嚓」聲，好送飯。另外仲有脆度唔輸嘅【芝士鮮蝦腐皮卷】，鮮蝦腐皮卷帶有芝士濃郁嘅奶香味，食落好滋味，好正！-呢餐食得好滿足，好推介大家嚟旺角嘅時候都可以嚟試吓！！
上個禮拜六終於約咗時間嚟呢度食。呢度裝潢都幾優雅，仲帶有啲老廣嘅味道，食飯環境好舒服，而且唔會好嘈。
呢度叫咗佢哋嘅招牌【食神叉燒飯】，份量好多，佢哋秘製嘅蜜醬配住白飯好香，鹹蛋令到呢碗飯多咗啲風味。叉燒好香，濃郁嘅燒臘味充滿晒成個口腔，外層仲包住香甜嘅蜜汁，配住飯食好惹味。
【鮮蝦蒜香脆春卷】好脆，蒜味唔會太嗆，配埋蝦獨有嘅海鮮鮮味，令到成條春卷味道好豐富，每一啖咬落去嘅「咔嚓」聲，好送飯。
另外仲有脆度唔輸嘅【芝士鮮蝦腐皮卷】，鮮蝦腐皮卷帶有芝士濃郁嘅奶香味，食落好滋味，好正！
-
呢餐食得好滿足，好推介大家嚟旺角嘅時候都可以嚟試吓！！
張貼
