影片
更多
2025-01-07
0 瀏覽
【觀塘區】【菊月町】搵 Omakase 食從來都好講口碑，今次試呢間係喺牛頭角，佢哋 $1480 嘅「爍雨」有「先付、季節刺身、鐵板燒、季節料理、手握壽司、雲丹盛、吸物、時令果物」共 23 品，非常吸引。首先有筋子配京都嘅腐皮撈少少 wasabi 食，好清新，有開胃感。之後仲有個小食係雞泡魚皮、枝豆配昆布，都各有特色。然後個撻仔係澳洲和牛他他加煙燻法國竹籤魚魚籽再撈埋蕎頭同牛油果，好豐富嘅層次感。跟住個北海道厚岸真蠔，配埋個薑味醬同海草一齊食，海水得嚟唔會腥。之後鰆魚配以少少辣椒味嘅醬，好正。而食鰤魚就食腩位，配個蛋黃汁再撈蔥食，賣相同風味都一流，油香豐盈。到碟香箱蟹，師傅將蟹肉、蟹籽、蟹膏撈埋一齊，淋個用蟹殼淆出嚟嘅汁，加多條紫蘇花上去，夾埋食相當享受。跟住嘅澳洲黑邊鮑魚係用細火蒸三次十個鐘，又腍又入味，好掂。跟住係煙燻咗嘅拖羅同用紅酒汁浸咗一晚嘅赤身，連埋沙甸魚乾同紫蘇葉，夾喺紫菜裡面食，口感同味道嘅層次都好多，幾高質素。之後兩碟炸物係免治雞肉卷同吉列深海銀鱈魚配他他醬同酸蘿蔔，忽然邪惡咗，前者雞肉打得好滑，後者外脆內嫩，幾正。之後係蘭王炒蛋配黑松露，整碎米紙撈埋食，加埋底下嘅日本
之後仲有個小食係雞泡魚皮、枝豆配昆布，都各有特色。然後個撻仔係澳洲和牛他他加煙燻法國竹籤魚魚籽再撈埋蕎頭同牛油果，好豐富嘅層次感。跟住個北海道厚岸真蠔，配埋個薑味醬同海草一齊食，海水得嚟唔會腥。之後鰆魚配以少少辣椒味嘅醬，好正。
而食鰤魚就食腩位，配個蛋黃汁再撈蔥食，賣相同風味都一流，油香豐盈。到碟香箱蟹，師傅將蟹肉、蟹籽、蟹膏撈埋一齊，淋個用蟹殼淆出嚟嘅汁，加多條紫蘇花上去，夾埋食相當享受。跟住嘅澳洲黑邊鮑魚係用細火蒸三次十個鐘，又腍又入味，好掂。
跟住係煙燻咗嘅拖羅同用紅酒汁浸咗一晚嘅赤身，連埋沙甸魚乾同紫蘇葉，夾喺紫菜裡面食，口感同味道嘅層次都好多，幾高質素。之後兩碟炸物係免治雞肉卷同吉列深海銀鱈魚配他他醬同酸蘿蔔，忽然邪惡咗，前者雞肉打得好滑，後者外脆內嫩，幾正。
之後係蘭王炒蛋配黑松露，整碎米紙撈埋食，加埋底下嘅日本蜆，味覺衝擊一流。跟住嘅係 A4 西冷和牛夾蕃茄、蘿蔔，加埋番薯片，濃而不膩。到壽司喇，石垣鯛加上少少蔥蓉固然係夾，原來深海池魚加塊昆布上去一樣掂，而北寄貝都整得好好，鮮味十足。
跟住嗰件係地金目鯛，的確係好過普通金目鯛嘅，燒一燒個皮激活咗皮下嘅甘香添。最後嗰件係勁大件嘅瀨尿蝦，好新鮮，又厚肉。之後到北海道馬糞海膽配紅酒汁煮鮟鱇魚肝黃蘿蔔配飯，海膽固然鮮味充足，但個飯係撈咗鮟鱇魚肝同黃蘿蔔，唔會差過海膽。
飲埋帶濃厚鮮味嘅魚湯之後，甜品係帆立貝鮑魚無麵粉蛋糕、黑糖蕨餅同香印提子，盡顯 Eddy 師傅匠心嘅功架，為呢餐晚飯做咗出色嘅總結。而呢餐飯淨係我食 omakase，同行嘅美女朋友要食熱食，試咗吉列定食裡面 $168 嘅吉列豬肉眼，都好高質，勁正。。。
（地址：牛頭角鴻圖道23號利登中心地下1號舖）
@2017_chutsuki_sushi
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #openrice #google #xiaohongshu #1am觀塘區 #牛頭角 #菊月町 #2017_chutsuki_sushi #omakase #先付 #季節刺身 #鐵板燒 #季節料理 #手握壽司 #雲丹盛 #吸物 #時令果物 #吉列定食 #吉列豬肉眼 #1am1616 #1ambackup
張貼
