影片
更多
2023-03-25
212 瀏覽
難得放假同朋友食飯，想食d特別d，搵咗一間大家都未試過嘅國家菜～黎巴嫩菜🇱🇧位置係東涌世茂喜來登酒店，係東涌站旁有shuttle bus去都好方便。入到餐廳完全係比個環境吸引住，置身係外地一樣，成個裝潢充滿異國風情，打咗一陣卡先睇menu，由於未試過食黎巴嫩菜，經理同我地介紹，最後大部分都揀咗經理介紹嘅菜式試下～🧆Mix Hummus Platter $180由左至右：Hummus / Hummus Shamender / Hummus Beiruti / Truffle Hummus頭盤當然要試下傳統黎巴嫩菜「鷹嘴豆泥」，由鷹嘴豆製成，可加入不同調味製成不同口味鷹嘴豆泥。咩都想試吓心態就揀咗混合鷹嘴豆泥拼盤，我同朋友都一致認同黑松露口味最好食！🍉Feta Watermelon Salad $128依款沙律好特別，大部分係西瓜，加上蕃茄同車厘茄，一片紅噹噹，清甜西瓜加酸蕃茄再一口鹹味菲達芝士，口感好fresh🦐Shrimp Fatteh $158食完2個冷盤頭盤叫咗個熱盤頭盤試下，極度推介一定要叫！上枱時見到都覺得幾特別，色彩繽紛咁～入口果刻係衝擊咗我！Yoghurt sauce 係超
🧆Mix Hummus Platter $180
由左至右：Hummus / Hummus Shamender / Hummus Beiruti / Truffle Hummus
頭盤當然要試下傳統黎巴嫩菜「鷹嘴豆泥」，由鷹嘴豆製成，可加入不同調味製成不同口味鷹嘴豆泥。咩都想試吓心態就揀咗混合鷹嘴豆泥拼盤，我同朋友都一致認同黑松露口味最好食！
🍉Feta Watermelon Salad $128
依款沙律好特別，大部分係西瓜，加上蕃茄同車厘茄，一片紅噹噹，清甜西瓜加酸蕃茄再一口鹹味菲達芝士，口感好fresh
🦐Shrimp Fatteh $158
食完2個冷盤頭盤叫咗個熱盤頭盤試下，極度推介一定要叫！上枱時見到都覺得幾特別，色彩繽紛咁～入口果刻係衝擊咗我！Yoghurt sauce 係超好味，加上配料松子、紅石榴、烤芝麻麵包打造鹹中帶微酸味好開胃！大大隻蝦煎到爽 脆又香口，依個熱盤令我對黎巴嫩菜加滿分！
🐓Shish Tawook $198
用阿勒頗辣椒醬炭烤雞肉串，雞肉非常嫩滑，醬料層次豐富加上食落有微辣非常惹味，無論單食定夾烤餅都好滋味
🐟Samaka Harra $198
澳洲魚塊配搭特色蕃茄醬汁，魚皮煎到金黃色脆脆，魚肉嫩滿，點上酸辣蕃茄醬又係好開胃，我發覺黎巴嫩菜好多都有蕃茄，食落健康又開胃～
🫐Blackcurrant & Mascarpone Cake $95
外型精緻，味道係莓味蛋糕，酸酸甜甜，消滯一流
🍍Yakult Lemonade $88
多款益力多口味特飲，揀咗菠蘿味，益力多+菠蘿+檸檬特飲真係好好飲，又fresh又解渴
🥥Ain't Nuttin $88
椰奶+榛子味飲品，nut味濃郁再散發陣陣椰奶香，充滿異國風情的特飲
Maison Du Mezze
📍地址：東涌怡東路9號香港東涌世茂喜來登酒店地下G10號舖
張貼
