CHEF’s CUTs

營業中

休息中

喺外國，有唔少街市或者市場都有自己餐廳，可能反正都賣開，不如再賣貴少少煮埋畀客食，一舉兩得✌🏽！嚟到香港，呢一、兩年都開始興呢種餐廳，你見銅鑼灣City Super、太古城AEON就係其中例子。 同樣concept，近日位於中環街市底層嘅超市就開咗一間全新餐廳，💻網上搵資料，餐廳主理人嚟自愛爾蘭🇮🇪，曾走遍瑞士、新西蘭、加洲、多倫多等地，亦做過酒店行政總廚👨🏼‍🍳好幾年，所以呢度以西餐為主，主打各款時令海鮮同市面好少有嘅牛脂熟成黑安格斯肉眼扒。 🐙西班牙風味烤八爪魚、薯仔、番茄 ($145)，八爪魚鮮嫩彈牙，用上特製醬汁烹調，非常惹味。加埋薯仔、橄欖、番茄等配料份量都唔少，食極都好似仲有咁，用嚟送酒一流！😊 🦞雜錦海鮮拼盤 ($498/2人用)，絕對推介嘅主菜之一，嚟到必食！單睇佢嘅賣相你就知佢咩料啦😏！加拿大龍蝦🦞、北海道帶子、西班牙八爪魚🐙、泰國虎蝦🦑、生蠔🦪、藍青口、鑽石蜆等等，2人份量，非常抵食！😊 🍝北海道帶子海膽醬墨汁意大利麵 ($198)，意粉條條沾滿海膽醬醬汁，口感彈牙，味道又濃郁，加埋大大粒嘅北海道帶子同味道鮮甜嘅三文魚籽，呢個fusion組合又幾好味！