一遊

營業中

休息中

同朋友聚會要搵間環境同氣氛都好唔錯的居酒屋，即刻諗起上次係尖沙咀令人回味的一遊，所以今晚就同朋友到訪灣仔呢間分店。居酒屋點少得清酒，今次揀左「神龍」，山田錦米及山泉水釀製，經過冬天低溫發酵，帶有獨特果香，香甜濃厚。吞拿魚流心蛋沙律$168薄切吞拿魚新鮮，流心蛋時間掌握得好好，同酸酸甜甜沙律汁一齊食，好開胃。蟹肉牛油果卷$108蟹肉鮮甜，白飯軟硬適中，牛油果味濃細滑，整體口層次豐富。海鮮天婦羅聖合$248有蝦、帶子、海膽、池魚、魷魚同蟹柳等等，矜貴食材，外層好薄又夠脆口，但內裏仍能保持肉汁，點埋特製天婦羅汁味道更加特出。清酒煮蛤蜊石頭湯$120超級多蛤蜊，每粒都漲卜卜，鮮甜無沙，湯底清酒味唔太濃郁，熱辣辣好好飲。串燒雞翼$32/串明太子雞肉串燒$32/串燒蕃薯$42雞翼落少少鹽已經好夠味，香味十足，肉質嫩滑。雞肉配明太子好夾，仲有少少沙律醬，酸酸甜甜好開胃。厚燒芝士玉子$75玉子火候岩岩好，外實內軟，切開仲有驚喜，見到流心芝士湧出，同玉子味道好夾，同新鮮蘿蔔蓉配埋醬油一齊食，味道更上一層，而且唔會膩。三文魚海鮮炒飯$158炒飯好夠火喉，米飯粒粒分明，蟹籽同三文魚塊極多，差唔多每一啖都食到