豐鮪

營業中

休息中

舖頭坐落喺橫街隱蔽嘅地方，入到去基本上成間舖係以全自助形式。店員會俾個QR code你，咁基本上你就scan個QR code睇Menu落。坐落去5分鐘，就開始覺得唔係好對路啦。舖頭唔太乾淨，你身邊每一台嘅食客都係講緊普通話。等咗10分鐘左右個set就到。望落ok但細份，女仔都係勉強夠食。茶碗蒸ok, 其餘麵豉湯、沙律就正正常常。個丼飯望落赤身、中拖、大拖各2塊再加個吞拿魚蓉燒賣。飯份量好細，拎開個吞拿魚蓉燒賣就見到個禿頭飯。我寧願去將個吞拿魚蓉燒賣變返正常吞拿魚蓉鋪喺個飯上面好過啦。每件刺身都切得好薄，基本上食唔到任何嘅魚味，成個丼都有種廉價嘅感覺。$168呢個水準其實有好多好好多嘅選擇。