明閣 (鷹君中心)

星期六訂位飲茶，睇Menu發覺有一個香檳配對嘅brunch。有趣得嚟有興趣，價錢亦吸引。先上頭盤兩小碟，酒香海蜇醉鮑魚及青瓜雲耳，十分開胃的開胃菜。酸甜滋味配上特選香檳，只可以講：配得好！之後到飲茶最愛點心加叉燒，蘿蔔千絲酥香口，元貝餃入口清甜，叉燒肥瘦適中，外層麥芽糖甜度剛好。再來一杯delamotte pairing 鮮花椒蒸龍躉柳，花椒香味配上魚油十足的龍躉柳，原來同偏酸既香檳可以咁夾！！超乎想像，尼一道配得出色，不得不讚。最後上埋菠菜苗，蝦球伊麵，飽了飽了。但最後的勁薑番薯糖水真係勁薑，個人暖一暖醒一醒，作結很好。個人認為尼個粵式brunch為必試之選。