影片
更多
2023-08-05
21 瀏覽
一場味覺與視覺嘅盛宴😇好耐之前已經幫襯過Suzuno 喺銅鑼灣嘅舖頭，佢最近就搬咗去跑馬地，新舖頭嘅裝修更加靚，而且同廚師嘅距離近親密😚晚市只係得一個Menu，但嘢食好豐富，足足食咗三個鐘！！一嚟前菜嘅賣相已經好吸引，好似一個藝術品咁。裏面包括有鰻魚卷准山，當中我最鍾意炸蟹，因為佢成個蟹得好香脆，所有位置都可以食！😇之後就上湯，配上禮魚，口感非常之彈牙，而且裏面仲有柚子碎，魚上又有梅醬，味道好有層次！當然唔少得要上好幾款時令嘅刺身，當中有白蝦，味道非常之濃郁，有好香嘅蝦味。而且仲有北海道八爪魚，食之前師傅坐俾我哋睇佢嘅前身超級長，口感非常之爽口， 有佢嘅身體同埋吸管，食到有兩種唔同嘅口感，而且師傅用專登準備咗兩款wasabi等我哋可以自由配搭！而當中嘅重頭戲就係海膽，師傅拎出嚟嘅時候已經賣相好吸引，海膽會因為佢嘅生長環境同埋食嘅礦物質而味道有所唔同。師傅俾咗兩款唔同嘅海膽俾我同我嘅朋友，兩款都超級新鮮，但味道確實係有少少唔同，不過都係好creamy 😊而呢度嘅兩款炸物都好出色，包括炸白蝦丸同埋長崎縣天婦羅粟米。白蝦丸喺呢度嘅招牌菜，每個人都會讚不絕口，佢口感好彈餘，仲有淡淡新鮮嘅蝦味，
好耐之前已經幫襯過Suzuno 喺銅鑼灣嘅舖頭，佢最近就搬咗去跑馬地，新舖頭嘅裝修更加靚，而且同廚師嘅距離近親密😚晚市只係得一個Menu，但嘢食好豐富，足足食咗三個鐘！！
一嚟前菜嘅賣相已經好吸引，好似一個藝術品咁。裏面包括有鰻魚卷准山，當中我最鍾意炸蟹，因為佢成個蟹得好香脆，所有位置都可以食！😇
之後就上湯，配上禮魚，口感非常之彈牙，而且裏面仲有柚子碎，魚上又有梅醬，味道好有層次！
當然唔少得要上好幾款時令嘅刺身，當中有白蝦，味道非常之濃郁，有好香嘅蝦味。而且仲有北海道八爪魚，食之前師傅坐俾我哋睇佢嘅前身超級長，口感非常之爽口， 有佢嘅身體同埋吸管，食到有兩種唔同嘅口感，而且師傅用專登準備咗兩款wasabi等我哋可以自由配搭！而當中嘅重頭戲就係海膽，師傅拎出嚟嘅時候已經賣相好吸引，海膽會因為佢嘅生長環境同埋食嘅礦物質而味道有所唔同。師傅俾咗兩款唔同嘅海膽俾我同我嘅朋友，兩款都超級新鮮，但味道確實係有少少唔同，不過都係好creamy 😊
而呢度嘅兩款炸物都好出色，包括炸白蝦丸同埋長崎縣天婦羅粟米。白蝦丸喺呢度嘅招牌菜，每個人都會讚不絕口，佢口感好彈餘，仲有淡淡新鮮嘅蝦味，非常之推介！而北海道粟米亦都好鮮甜濃郁😍
之後就有10款唔同嘅壽司，每一款都非常之新鮮美味！包括金目鯛、關車魚、池魚、飛魚、石門貝、縞海老、中吞拿魚腩、大吞拿魚腩、赤身醬油漬同海膽手卷。當中我覺得最正嘅就係石門貝，佢放到上台係非常之新鮮，師傅整壽司之前輕輕拍打一下佢等佢收縮，咁樣做會令到佢口感更加爽口！另外我覺得呢度嘅吞拿魚腩都非常之肥美，鍾意食吞拿魚嘅朋友，一定唔可以錯過😊
最尾師傅仲整咗一個吞拿魚太卷，裡面有紫蘇葉味，壽司卷非常之大舊，但口感味道好豐富，食完會好滿足！
甜品更加有富良野赤肉瓜同埋紅豆糕點，完美咁結束坐今晚嘅晚餐。整體嚟講我覺得呢間餐廳水準一流，無論係食物嘅質素定係服務態度都好到位，絕對冇令人失望😍
張貼
