影片
更多
2021-12-03
2210 瀏覽
有時去到銅鑼灣真係唔知食咩好, 想搵間食得好 D 又坐得舒服既, 有時都唔係咁易, 去到 Time Square 既食通天行哂 3 層, 發覺有 D 以前食開既食肆唔見左, 換左 D 新既, 唔通自己好耐無來, anyway 呢晚就係 10樓度 2揀 1 之下, 就行左入去百樂, 之前食過幾次唔同地區既分舖都幾好, 希望呢間都唔會差啦來到潮州食肆就當然要叫鹵水鵝片, 今次叫左個拼盆, 非常足料, 鵝片軟硬適中而且好夠味, 中間一層係墨魚片, 好香好爽, 底層係入哂味既豆腐, 兩邊放左一隻鹵得好入味一開 4 份既蛋 ! 跟住來左個杏汁豬肺燉湯, 一埋來就聞到好濃既杏汁味, 燉湯好濃郁, 豬肺好爽口而且舊舊都有杏汁味, 一窩可以分到 7 碗左右, 再上就係栗子炆雞煲, 呢個就普普通通, 無咩驚喜, 最後就係明爐烏頭, 烏頭唔算好大條, 但肉質好新鮮, 一般烏頭都好易會有泥味, 當然以百樂既水準就一定唔會有, 所以可以好放心咁成條食哂 ! 呢度唯一有樣唔好就係服務員唔夠, 每一次傳菜員上菜都係會放係另一張等上菜既枱度, 而唔會直接放上客人枱上, 而且每次傳菜員放低就走左去, 亦唔會通知服務員
來到潮州食肆就當然要叫鹵水鵝片, 今次叫左個拼盆, 非常足料, 鵝片軟硬適中而且好夠味, 中間一層係墨魚片, 好香好爽, 底層係入哂味既豆腐, 兩邊放左一隻鹵得好入味一開 4 份既蛋 ! 跟住來左個杏汁豬肺燉湯, 一埋來就聞到好濃既杏汁味, 燉湯好濃郁, 豬肺好爽口而且舊舊都有杏汁味, 一窩可以分到 7 碗左右, 再上就係栗子炆雞煲, 呢個就普普通通, 無咩驚喜, 最後就係明爐烏頭, 烏頭唔算好大條, 但肉質好新鮮, 一般烏頭都好易會有泥味, 當然以百樂既水準就一定唔會有, 所以可以好放心咁成條食哂 !
呢度唯一有樣唔好就係服務員唔夠, 每一次傳菜員上菜都係會放係另一張等上菜既枱度, 而唔會直接放上客人枱上, 而且每次傳菜員放低就走左去, 亦唔會通知服務員有菜到左, 所以有 2次都係要自己再叫服務員上菜, 無形中果碟本來熱辣辣既菜就會被放涼左少少, 所以傳菜員好應該每次上完菜都要通知一下服務員
張貼
