集眾菜館

營業中

休息中

一食就知道佢碟豉油皇鵝腸選用嘅鵝腸質素極高，一來食到有鵝油嘅香味，二來佢個彈性同埋煙韌度，真係好味道。唔好睇呢個鐵板白胡椒煎魚卜嘅賣相麻麻，食落好有驚喜，出面常見嘅魚卜煮法都只係薑蔥，用白胡椒煎真係比例少，而且又真係幾好食。酥炸生蠔用嘅生蠔都幾肥美，而且外面D炸皮都真係夠酥夠鬆化。集眾招牌雞唔肥而且雞味濃，肉質鮮嫩，呢一碟係半隻嘅份量，仲有埋雞膶雞腎雞心雞腸，真係正。籠仔甜梅菜蒸菜芯個重點就係D菜芯要同D甜梅菜一齊食，咁樣先至食到佢嘅精髓。豆酥蒸蟶子都好正，D蟶子剛剛熟所以好鮮嫩，配豆酥就味道濃少少不過都幾夾。金銀蛋菠菜苗都好食，當然比起上面嗰D就會變得普通咗D。