喜記避風塘炒辣蟹 (謝斐道)

營業中

休息中

一家人慶祝母親節，難得聚埋一齊食飯，當然要食餐好既～😍😍🤤以後想食海鮮就唔洗下下入西貢咁遠了，哈哈哈，喜記辣蟹終於有出色海鮮食到！招牌避風塘炒辣蟹，果然係招牌菜，真係非常出色。滿滿的避風塘，蟹肉炒到好入味夠晒火喉，辣得來好惹味。招牌大瀨尿蝦，哇，超級大隻😍😍😍真係好新鮮好鮮甜，咁大隻好足料，好抵食！呢個價錢真係抵曬！良心餐廳😋👍🏻💯椒鹽焗魷魚，新鮮魷魚炮製，火喉控制得宜，鑊氣十足辛香惹味。辣酒煮花螺，只需用牙籤一挑就得，兼啖啖肉。花螺很爽嫩，又很吸味，用辣酒煮，吸收酒的精華，香辣美味。豉椒炒蜆，只要將蜆和蒜蓉、豆豉碎同炒，香噴噴之餘鮮甜惹味，充滿大排檔風味！豆腐白菜生滾泥鯭湯，夠曬養生，味道清甜，營養豐富。招牌蟹油炒麵，真係有蟹味，而且勁大碟～炒麵炒得乾身，有鑊氣。而麵身充滿蟹皇香味，記住加埋避風塘炒肉蟹上嘅炸蒜撈埋嚟食，更加惹味。