橫浜水產磯燒+遛Local Bar@Grill & Hot Pot (已結業)

好耐無見友人，星期五收工約咗佢去旺角食放題放肆一下。我哋揀咗刺身頭盤&火鍋燒肉雙放題。刺身頭盤有六款，款款新鮮又大舊，味道鮮甜唔錯。檯爐一邊係火鍋，另一邊可以燒肉好方便。湯底我哋揀咗橫浜昆布湯，味道較清淡，好啱去下燒肉嘅油膩感。餐廳內有自助區，大部份常見嘅火鍋配料都有提供。另外仲有已煮熟嘅即食海鮮、串燒、日式小丸子、壽司等，好多選擇。安格斯牛肩肉好有牛味，個人比較鍾意燒嚟食，味道更加香濃。豚肉腩片有啲偏肥，燒完油脂味幾重。