影片
更多
2018-12-24
313 瀏覽
早幾日同個好朋友講起去日本有咩好玩好食，講到大家都開始思鄉，無奈大假用盡，肉身被困香港，於是，我地就決定係香港呢個美食天堂尋找正宗日本菜。今晚一於食浜燒啦！我地食飯既首要條件係坐得舒服，唔會比人極速收碟，最好就加埋地點就腳，方便食完飯行陣街消化下嘛！我地係openrice度搵到呢間係正sogo隔離，澳門逸園中心18樓，大廈入口面向軒尼詩道，好易搵。座位方面，我地今晚就坐係望到窗口位既non窗口位，唯有邊食邊偷望下隔離台個view，哈哈！餐廳用左好多由地下到天花既屏風，完全阻隔左兩邊既聲音，唔洗驚大聲少少講野會嚇親隔離台。我地參考左隔離台，又聽左侍應既建議，我地決定叫：特製黑松露灸燒平目魚邊沙律 ($138)刺身盛合五款 ($428) 蟹味噌甲羅燒 配多士 ($78)活貝漁獲浜燒盛合(2人前) ($698+$100=$798) 首先有一個小前菜，細芝麻鹽醬椰菜 ($20)日式芝麻醬真係好香好滑，配咩菜都好好味，超中意啊！特製黑松露灸燒平目魚邊沙律 ($138)炙燒平目魚邊好香好滑，平目魚邊其實係平目魚側邊用黎遊水既部位，既有豐富既油脂，又有爽口既肉質。沙律仲有好重手既黑松露醬同牛油果。刺
今晚一於食浜燒啦！
我地食飯既首要條件係坐得舒服，唔會比人極速收碟，最好就加埋地點就腳，方便食完飯行陣街消化下嘛！我地係openrice度搵到呢間係正sogo隔離，澳門逸園中心18樓，大廈入口面向軒尼詩道，好易搵。
座位方面，我地今晚就坐係望到窗口位既non窗口位，唯有邊食邊偷望下隔離台個view，哈哈！餐廳用左好多由地下到天花既屏風，完全阻隔左兩邊既聲音，唔洗驚大聲少少講野會嚇親隔離台。
我地參考左隔離台，又聽左侍應既建議，我地決定叫：特製黑松露灸燒平目魚邊沙律 ($138)
刺身盛合五款 ($428)
蟹味噌甲羅燒 配多士 ($78)
活貝漁獲浜燒盛合(2人前) ($698+$100=$798)
首先有一個小前菜，
細芝麻鹽醬椰菜
$20
22 瀏覽
0 讚好
0 留言
日式芝麻醬真係好香好滑，配咩菜都好好味，超中意啊！
特製黑松露灸燒平目魚邊沙律
$138
18 瀏覽
0 讚好
0 留言
炙燒平目魚邊好香好滑，平目魚邊其實係平目魚側邊用黎遊水既部位，既有豐富既油脂，又有爽口既肉質。沙律仲有好重手既黑松露醬同牛油果。
刺身盛合五款
$428
42 瀏覽
0 讚好
0 留言
（牡丹蝦、吞拿魚、油甘魚、三文魚、馬糞海膽）
油甘魚刺身超厚切，味道清雅而甘香。吞拿魚應該就屬於赤身，姐係比較瘦既吞拿魚腩，雖然油脂冇大拖羅咁豐富，但肉質都唔會嚡口，可以專注係魚肉既鮮甜。我地最後先食馬糞海膽，皆因海膽既味道實在太霸道，濃郁得黎又回甘，好想一板一板咁食啊！
蟹味噌甲羅燒 配多士
$78
30 瀏覽
0 讚好
0 留言
蟹味噌甲羅燒 配多士
$78
18 瀏覽
0 讚好
0 留言
蟹味噌甲羅燒 配多士
$78
20 瀏覽
0 讚好
0 留言
甲羅燒，蟹蓋入面既醬係蟹肉同蟹膏，姐姐先將蟹蓋放係爐上面加熱，再加入鵪鶉蛋，快速攪拌。姐姐都好小心睇住個火，一滾起就夾上碟。以多士伴住蟹膏食，好好味！
活貝漁獲浜燒盛合(2人前)
$798
36 瀏覽
0 讚好
0 留言
活貝漁獲浜燒盛合(2人前) ($698+$100=$798)
叫呢一個係因為見到隔離枱，個個都叫，姐姐都話呢個盛合係抵食過散叫既，而且乜都有，唔洗困惑。呢個盛合就包括有西班牙石蠔、松葉蟹腳、珍寶大蝦、帆立貝，仲有鮑魚。
望住姐姐熟練既手勢，唔洗timer都知道每一樣海鮮既烹煮時間，好快就將各樣海鮮燒好。
西班牙石蠔
28 瀏覽
0 讚好
0 留言
望住隻蠔慢慢燒熟，慢慢冒煙冒泡，仲會有d聲「辟瀝拍啦」，姐姐話係因為蠔殼一遇熱就會咁，係正常現象，叫我地唔洗驚。之後，姐姐落左好微量既調味，好快就上碟啦！每一啖都係蠔既原汁原味。
松葉蟹腳
42 瀏覽
0 讚好
0 留言
時間掌握個岩岩好，蟹肉剛剛好夠熱，肉質嫩滑。
鮑魚
25 瀏覽
0 讚好
0 留言
鮑魚好新鮮，燒之前仲識郁，娟姐將鮑魚燒到咁上下，就將鮑魚拎入廚房洗乾淨內臟呀腸呀，唔洗幾耐就出返黎繼續燒。姐姐再將鮑魚切成一口size，加分。
珍寶大蝦
18 瀏覽
0 讚好
0 留言
應該係海蝦黎既，好厚肉好結實，唔會係雪到黑哂果d貨。
活帆立貝
45 瀏覽
0 讚好
0 留言
我地加左$100，將個帆立貝升級，變做活帆立貝。
我地揀左清酒煮，姐姐同樣地將帆立貝燒到半熟，再拎入廚房洗乾淨，出返黎又繼續燒，入口鮮甜juicy，帶子既肉係好明顯咁食到一梳梳，係細粒帶子冇既質感。姐姐仲話我地下次可以試埋牛油煮添啊。
番薯雪糕
30 瀏覽
0 讚好
0 留言
最後仲有個雪糕，係餐廳自家制既，好香番薯好creamy，相當有誠意。
Overall，覺得呢度真係幾岩收工過黎chill一chill，傾下計，掃走一星期既煩惱。另外都好欣賞餐廳安排左姐姐幫我地燒每一樣食材，我地先可以咁輕鬆自在傾計、等食。希望下次黎都一樣咁正啦！
張貼
