影片
更多
2021-06-16
5670 瀏覽
楚撚記威名遠播，坊間流傳佢嘅輪候時間似進入異道空間，無論堂食等位，定係外賣自取，佢都令人等到懷疑人生。但奇就奇在佢仍然客似雲來，究竟係咩原因呢？今日難得嚟到土瓜灣開工，等我深入調查一下。收工嚟到已經接近8點，唔知係咪福星高照定係人靚心善嘅關係，竟然等咗20分鐘就有枱🙏🏻🙏🏻🙏🏻。店內面積不大，但每張枱仍然有一定程度嘅距離，唔會背貼背。裝修以大排檔為主題，啲餸菜全部貼晒上牆，一眼望晒（當然仲有餐牌啦！）。4人限聚，餓到眼花繚亂，隨便點咗幾個招牌餸菜，如下：香煎黑松露手打蓮藕墨魚餅 ($95)有淡淡嘅黑松露味，唔算好濃，蓮藕磨碎撈埋啲彈牙嘅墨魚膠，做成一個個餅去煎香，口感香口，味道鮮美。燕麥金沙蝦球 ($98)蝦球彈牙，但可惜炸得唔夠香口，鹹蛋黃太少，包唔住隻蝦，燕麥太多而且個人覺得唔多夾，一碟8-9隻細細粒蝦球，真心覺得貴囉！西檸煎軟雞 ($85)大大碟嘅雞扒，雞皮炸得香脆，味道酸酸甜甜唔嗆喉。如果可以再脆少少就完美喇！家鄉五柳炸蛋 ($73)以前返鄉下就會食到呢道菜，香港就未見過。今日難得重遇，一於回味一下兒時回憶！以前我食嗰款係脆邊荷包蛋，楚撚記係炸雞蛋，呢一點就贏晒喇！因為炸蛋比煎
收工嚟到已經接近8點，唔知係咪福星高照定係人靚心善嘅關係，竟然等咗20分鐘就有枱🙏🏻🙏🏻🙏🏻。店內面積不大，但每張枱仍然有一定程度嘅距離，唔會背貼背。裝修以大排檔為主題，啲餸菜全部貼晒上牆，一眼望晒（當然仲有餐牌啦！）。4人限聚，餓到眼花繚亂，隨便點咗幾個招牌餸菜，如下：
香煎黑松露手打蓮藕墨魚餅 ($95)有淡淡嘅黑松露味，唔算好濃，蓮藕磨碎撈埋啲彈牙嘅墨魚膠，做成一個個餅去煎香，口感香口，味道鮮美。
燕麥金沙蝦球 ($98)蝦球彈牙，但可惜炸得唔夠香口，鹹蛋黃太少，包唔住隻蝦，燕麥太多而且個人覺得唔多夾，一碟8-9隻細細粒蝦球，真心覺得貴囉！
西檸煎軟雞 ($85)大大碟嘅雞扒，雞皮炸得香脆，味道酸酸甜甜唔嗆喉。如果可以再脆少少就完美喇！
家鄉五柳炸蛋 ($73)以前返鄉下就會食到呢道菜，香港就未見過。今日難得重遇，一於回味一下兒時回憶！以前我食嗰款係脆邊荷包蛋，楚撚記係炸雞蛋，呢一點就贏晒喇！因為炸蛋比煎蛋口感更鬆脆、更吸汁、更入味。五柳咕嚕汁又甜甜酸酸，化油膩又增進食慾，配真係好正呀！
脆皮炸大腸 ($88)炸大腸要好食，烹調醃製嘅工序少啲功夫都唔得，楚撚記嘅炸大腸明顯係有心思嘅。首先係切法，為凸顯佢嘅脆皮，將大腸切到長筒形再一開二。腸皮脆卜卜，腸肉煙韌，配以燒過嘅菠蘿，酸酸地同肥腸好夾，唔醮醬汁都好夠味。唯一缺點又係份量少囉！
鮮人蔘濃湯時蔬 ($72)平時上湯浸時蔬就食得多，鮮人蔘湯就未試過，做完嘢咁辛苦，真係要補補佢。色香味，以色行先，估唔到一碟蔬菜都可以咁靚，鮮人蔘嘅雪白，娃娃菜嘅翠綠，紅棗嘅艷麗，甘筍嘅柔和，炸獨子蒜嘅點綴，顏色好靚，好有食慾。湯底有淡淡嘅人蔘味，唔太濃唔會搶走蔬菜嘅鮮甜，兩者配合得好好。識食一定要食炸獨子蒜，香到不得了。
豬油撈飯 ($20)而家人人要'講'健康，豬油好似俾人列入毒品咁，人人避而遠之。其實一次半次有乜所謂吖！食豬油撈飯，白飯一定要夠熱，豬油啲香味先可以透過飯滲透出嚟，加埋豉油、香蔥，白飯嘅香味又再升多幾個層次。
番薯糖水 (贈送) 要講全晚嘅MVP 就一定係蕃薯糖水，佢薑味濃郁，蕃薯香甜，糖水又唔會太甜，作為一餐嘅總結真係身心滿足。
總結一下，楚撚記嘅餸菜味道唔錯，但價格略貴，上菜快，效率高似足大排檔咁，係快靚正，唔係平靚正！
張貼
