和牛燒肉‧純

營業中

休息中

日本燒肉淨係聽到都流晒口水，今日嚟到呢間日本過江龍試一啲飛驒牛先～我哋叫咗呢一個1580嘅聖誕套餐～刺身鱆紅魚同吞拿都幾厚身幾新鮮～個海鮮石頭鍋飯好多海鮮之餘仲有飯焦，好惹味～之後就係呢個重頭戲～「飛驒牛」～佢有幾款包括味噌燒、肉眼、牛小排、牛舌同埋豚腩肉。唔好講笑，燒緊嗰陣d油香都已經令我食指大動。放落口咀嚼嘅時候嗰浸油香，真係食到講唔到嘢。好食之外，份量都唔少，最後仲有呢一個柚子雪葩作結。店舖裝修都幾日式，我哋嗰日食仲有間房添真係好適合情侶光顧。