影片
更多
2015-10-16
2798 瀏覽
喺西環工作已經踏入第五個年頭， 呢一帶嘅食肆老實說我都已經食得八八九九。其實都好鍾意喺呢頭返工，貪呢個舊區好少有集團食肆進駐，小餐廳多年來可以百花齊放，各自各精彩。不過，自從港鐵伸延西港島綫之後，原本嘅舊小店陸陸續續都捱唔住貴租黯然離場，就好似呢一段嘅德輔道西，每間小店樓面都係得幾百呎，但租金就閒閒地都十萬八萬，令呢度原本賣緊$30有找嘅三餸飯小店，最後都銷聲匿跡...今日行到嚟竟然有驚喜 － 呢間無人唔識嘅永合成煲仔飯原來已經靜悄悄離開咗上環，一路向西，來到西環人嘅懷抱。一場嚟到，喺懷念舊舖嘅街坊三餸飯之餘，不如試試呢間人稱煲仔飯王嘅「永合成」啦！雖然唔使等位，但午飯時間都算座無虛席。我未去過舊舖食，唔知道以前一個煲仔飯賣緊幾錢，不過呢度嘅價錢都幾『堅尼地』，煲仔飯入場費要$60!眼見佢餐牌上面一句：「大飽易賣， 大錢難撈，針鼻削鐵，無非微中取利」算啦，我都明白而家出街食飯，一半嘅消費都係幫緊人交租㗎啦... 唉，既然已經入到嚟，食咗先講啦！其實一走入舖頭，濃濃嘅飯香已經令人垂涎欲滴；落單之後，等食之時，望住周圍食得津津有味嘅街坊埋頭苦幹，我哋都食指大動，急不及待想快啲食到呢間過江龍
今日行到嚟竟然有驚喜 － 呢間無人唔識嘅永合成煲仔飯原來已經靜悄悄離開咗上環，一路向西，來到西環人嘅懷抱。一場嚟到，喺懷念舊舖嘅街坊三餸飯之餘，不如試試呢間人稱煲仔飯王嘅「永合成」啦！
雖然唔使等位，但午飯時間都算座無虛席。我未去過舊舖食，唔知道以前一個煲仔飯賣緊幾錢，不過呢度嘅價錢都幾『堅尼地』，煲仔飯入場費要$60!眼見佢餐牌上面一句：「大飽易賣， 大錢難撈，針鼻削鐵，無非微中取利」
算啦，我都明白而家出街食飯，一半嘅消費都係幫緊人交租㗎啦... 唉，既然已經入到嚟，食咗先講啦！其實一走入舖頭，濃濃嘅飯香已經令人垂涎欲滴；落單之後，等食之時，望住周圍食得津津有味嘅街坊埋頭苦幹，我哋都食指大動，急不及待想快啲食到呢間過江龍有幾好味。
今日我哋叫咗三個飯：
::窩蛋牛肉飯 $65::唔知由幾時開始，食煲仔飯一定要食窩蛋牛肉飯。上菜一刻，見到隻生雞蛋晃晃下已經心神恍惚，啲牛肉仲要鮮嫩無比，絕對唔係出邊一般食肆做嘅梳打粉牛肉；呢度嘅牛肉滑得來充滿肉香，肉汁並無因為煲仔飯嘅火候被燒乾，反而鎖住係入邊保持著鮮嫩嘅口感，撈埋隻窩蛋同啲醬油飯，一口幸福滋味！
煎蛋牛肉飯::煎蛋牛肉飯 $68::
相比窩蛋，食煲仔飯要俾多$3將隻蛋煎熟確實有啲唔明智，牛肉係一樣的好，不過煎蛋同牛肉做唔到水乳交融嗰種微妙關係，冇咗嗰種二合為一嘅幸福滋味... 我自己都係鍾意窩蛋牛肉飯多啲。
北菇雞飯 （+ 潤腸 $11）::北菇雞飯 $65 (加潤腸$11)::
聽講永合成除咗窩蛋牛肉好食之外，佢哋嘅秘製蒸滑雞都好得嘅，又因為覺得食煲仔飯點可以冇潤腸，於是就叫咗呢個組合。我想講呢度嘅雞的確做得好出色，雖然，佢畀嘅都唔係雞脾肉，反而係雞胸、雞背脊同雞翼尖呢啲又乾又多骨嘅部位，不過，呢度都能夠化腐朽為神奇：整體嚟講啲雞肉都係濕潤多汁，肉地鮮嫩香濃，配合淡淡嘅腐乳味道，加埋一條充滿鴨肝醉香嘅潤腸，實在滋味無窮！
唔知咩原因，其他兩位同事嘅煲仔飯底都冇飯焦，我哋就傻下傻下走去問阿姐點解會冇飯焦嘅，佢竟然有啲尖尖咁話：「我哋啲飯係無飯焦㗎！要食飯焦嘅話，下次落單就要講明啦，不過要加$10！」 聽完真係有啲O嘴...
不過當我食埋自己個飯，唔知係咪我食得比較慢定係咩原因，個煲底竟然有一層薄薄嘅脆飯焦，嗰刻真係好開心！我諗我未試過因為有飯焦食已覺得自己好幸運～
秋高氣爽，又係食煲仔飯嘅季節，嚟開西環就不妨過嚟試下自己嘅運氣啦！永合成馳名煲仔飯
西環德輔道西360號地舖
張貼
