影片
更多
2009-03-05
455 瀏覽
今日係約左舊同事食飯，一行四人~ 原本唔打算入呢間野食，但行行下撞到熟人，佢就話呢間野人地介紹佢去，咁我地都諗住試下無妨~入到去問我地有冇訂枱，我都話冇，咁佢就帶我地去神枱隔離果張坐~ 一坐低第一句"要咩飲?" 我心諗...問得咁快，唔洗錢嫁?! 最終要左熱既竹庶水~ 之後冇耐問叫得未，我地第一次黎，連果餐牌紙都未睇就問叫得未...答佢等一陣先啦，佢2分鐘又黎問過...唔洗一坐低就想我地走呀...再過一陣又問...好啦好啦，怕得左佢，叫左豉椒炒青口，炒蜆，白灼魷魚/豬肚/海哲，油麥菜~ 好快黎左3碟白灼~ 魷魚幾好，其他都ok，可接受。再之後上炒蜆....唔好講笑，我相信有一半蜆係真係有肉，其他只係炒殼...我相信佢會留起一部份蜆殼，洗淨再加真係有肉既蜆一齊炒比下一枱，味道一般...再上青口...嘩...唔好再少d...之後發現唔對路...咁食法真係要再食果m記先得...所以最後追加左2碗鴨脾河~ 鴨脾河都可接受，不過...成$44碗...唔洗比咁少粉呀?? 而家河粉好貴呀? 最後黎埋果菜就完滿結束~!!埋單時睇真d張單都好似唔得咁，在側邊大大叫講多次我地食左d咩...唔洗咁串呀...
入到去問我地有冇訂枱，我都話冇，咁佢就帶我地去神枱隔離果張坐~ 一坐低第一句"要咩飲?" 我心諗...問得咁快，唔洗錢嫁?! 最終要左熱既竹庶水~ 之後冇耐問叫得未，我地第一次黎，連果餐牌紙都未睇就問叫得未...答佢等一陣先啦，佢2分鐘又黎問過...唔洗一坐低就想我地走呀...再過一陣又問...好啦好啦，怕得左佢，叫左豉椒炒青口，炒蜆，白灼魷魚/豬肚/海哲，油麥菜~
好快黎左3碟白灼~ 魷魚幾好，其他都ok，可接受。再之後上炒蜆....唔好講笑，我相信有一半蜆係真係有肉，其他只係炒殼...我相信佢會留起一部份蜆殼，洗淨再加真係有肉既蜆一齊炒比下一枱，味道一般...再上青口...嘩...唔好再少d...之後發現唔對路...咁食法真係要再食果m記先得...所以最後追加左2碗鴨脾河~ 鴨脾河都可接受，不過...成$44碗...唔洗比咁少粉呀?? 而家河粉好貴呀? 最後黎埋果菜就完滿結束~!!
埋單時睇真d張單都好似唔得咁，在側邊大大叫講多次我地食左d咩...唔洗咁串呀...而家我地唔比錢呀? 睇真d之嗎，犯法咩!!!
總括而言去呢度食要預左比人趕，比人黑面對待，食唔飽，味道普通~ 最後，仲要獻上你辛辛苦苦搵返黎既金錢~ 我寧願山長水遠入大澳食啦~ 唔食又唔係會死既~
如果唔想做生客，覺得佢地黎食野係阻住你d地方，就好心收埋樓下果牌啦~
ps 返到屋企立即上openrice search呢間野...原來大家都有同感...
張貼