一輪 (一門町市場)

近期漢堡大熱，同樣嚟自日本嘅一輪，比《挽肉と米》更早響香港插旗，其實兩者食法唔同，一輪可以選擇兩件或三件和牛漢堡，而且有醬汁選擇，近期仲有期間限定嘅戶米豚x免治雞肉漢堡選擇，雖然我未試過《挽肉と米》，但論選擇及彈性度，似乎一輪更勝一籌。🥢套餐B $98 (芝士汁和牛漢堡+原味和牛漢堡) ⭐️⭐️⭐️⭐️🥢套餐C $118 (芝士汁和牛漢堡+原味和牛漢堡+香辣蕃茄汁和牛漢堡)⭐️⭐️⭐️⭐️芝士係我哋首選，所以叫咗B同C餐，漢堡係juicy嘅，原味漢堡加鹽同黑椒令牛味更突出；芝士控當然要試半溶芝士+即刨芝士漢堡，貪心嘅我要求店員刨多啲多啲芝士比我，而香辣蕃茄汁漢堡係唔辣嘅，唔識形容個味道但都唔錯，不過正常食兩件漢堡已經開始膩，所以目測所有人都叫A或B餐，但加$20有多個又好似幾抵咁喎！二人共消費：$238