影片
更多
2011-08-17
53 瀏覽
近排聽講hit爆全城哩間酒店新餐廳口碑極好!!...高據排行榜十大一陣子!!...早個星期曾經想訂張檯…點知話周末o既檯排期full到去12月…咁誇??!...唯有先放棄!!上周準備放兩日大假優遊o下…打算同朋友周五撐撐檯腳, 又想起The Market…諗住閒日…有冇可能俾我臨時爭到一席半位呢?!...點知真係走運唷!!…事前兩三日打個電話去, 服務員話剛有客取消訂座, 兩個位冇問題啊!!!...突然又俾我地咁早試到!!...滿心歡喜!!嘻!!室內環境設計簡潔…以雲石同木作主要材料…陽光通透, 加上大型綠色植物, 培添大自然氣息…整體感覺恬靜舒適, 先是一讚; 服務員亦算勤快有禮…但仍有改進o既地方…坐低…服務員先為客人添杯蜂蜜茶…試一口, 異常味淡!!...可以擺埋一邊!!...吾緊要…反正外邊有清甜椰青不斷為你劈開…任飲!!各式自助bar位同座檯相隔有段距離…食物款式選擇豐富…中、西、日、星馬泰、印度等…係少數我食咁多次自助餐, 有好味的都吾敢再”翻尋味”…因為”形勢”話我知, 要留力試第二樣…可惜最後每樣少試都未可嚐盡啊!!...個人認為最觸目係甜品櫃, 賣相靚靚品質好, 味道
上周準備放兩日大假優遊o下…打算同朋友周五撐撐檯腳, 又想起The Market…諗住閒日…有冇可能俾我臨時爭到一席半位呢?!...點知真係走運唷!!…事前兩三日打個電話去, 服務員話剛有客取消訂座, 兩個位冇問題啊!!!...突然又俾我地咁早試到!!...滿心歡喜!!嘻!!
室內環境設計簡潔…以雲石同木作主要材料…陽光通透, 加上大型綠色植物, 培添大自然氣息…整體感覺恬靜舒適, 先是一讚; 服務員亦算勤快有禮…但仍有改進o既地方…
坐低…服務員先為客人添杯蜂蜜茶…試一口, 異常味淡!!...可以擺埋一邊!!...吾緊要…反正外邊有清甜椰青不斷為你劈開…任飲!!
各式自助bar位同座檯相隔有段距離…食物款式選擇豐富…中、西、日、星馬泰、印度等…係少數我食咁多次自助餐, 有好味的都吾敢再”翻尋味”…因為”形勢”話我知, 要留力試第二樣…可惜最後每樣少試都未可嚐盡啊!!...
個人認為最觸目係甜品櫃, 賣相靚靚品質好, 味道佳!!...係自己整餐唯一為甜品走左兩轉…放棄crepe、雪糕、泰國刨冰、生果都要食多次的!!...而且各款甜品蛋糕都係mini/bite size, 可試齊咁多款…又吾怕話一下子大大件切餅, 吾喜歡/食吾晒就浪費!!
冷盤推介 – 長腳蟹、石榴蘋果沙律、Parma Ham、蕃茄水牛芝士沙律、鴨胸沙律
(註: 海產仲有青口、螺、蝦等, 都新鮮但吾多夠甜, 最鮮甜係長腳蟹!!...日式剌身都有幾款, 三文魚亦肥美, 唯獨個櫃台服務姐仔要再培訓, 刀功太差, 切到成cm厚好似磚咁, 口感同賣相都會差左o羅!...甜蝦食味都ok, 不過奀到同白飯魚一樣大小, 吾夠”派頭”!!)
熱食推介 – 燒羊架(超嫩多汁零羶味!!)、意大利Pizza、印度Naan+咖哩牛腩、印尼巴東牛肉、沙嗲串燒雞、紅酒鴨胸、炸蝦餅、忌廉蘑菇湯
(註: 仲有中式老火湯、燒牛肉、粥等等都冇肚試!!)
甜品推介 – 綠茶朱古力蛋糕(話係鎮店之寶!真好味!食左4件啊!!)、紅桑莓朱古力慕士蛋糕、黑森林蛋糕(勁酒濃)、芒果奶凍(用貴價香草籽!)、綠茶奶凍、朱古力泡芙
(註: 位甜餅師哥哥係全場最落力向客人推介出品的!!...麵包布丁、Apple Crumble同泰式甜糕點本身吾鍾意食, 所以冇要!...雖然未必人人愛, 但要一提係..放嚮甜品櫃標價$15一件, 近年熱起o既法國傳統蛋白甜餅Macaron, 有數款口味, 每人只限取一件!! 特別要向服務員提出架!)
普通質素 – 豆角炒肉片、燒香腸、海鮮喇沙、意大利千層麵、泰式燒雞
較差素質 – 日式壽司、咸魚雞粒炒飯 (飯硬, 冇咸香!)、香煎龍脷柳 (冇味!)、泰式炒貴刁 (好甜!)
p.s. 餐茶杯咖啡麻麻地…苦澀!!...
中午自助餐 $248/成人 + 10%服務費
供應時間: 1200-1430
張貼
