J's CUCINA

營業中

休息中

今日放假，想喺荔枝角區嘆下午茶☕️。朋友介紹去新開嘅83瓊林街，是由兩座好似雙子塔咁組成嘅甲級商廈。連住商廈，有好多新開食肆，我哋入咗去一間西式咖啡店試試。墨西哥芝士餡餅🥙材料有芝士、雞肉及牛油果🥑，旁邊仲有沙律菜。餡餅焗得好香，外邊咬落脆口，食到入面滿滿嘅牛油果及芝士，加埋嫩滑嘅雞肉，口感大滿足。法式多士配碎蛋、牛油果莎莎及烤雞沙律一式三件嘅法式多士有三種味道，身為牛油果控的我表示，原來烤雞沙律同埋碎蛋都出色。即磨咖啡要試咖啡店嘅咖啡水準，通常我都唔會飲拿鐵或者朱古力咖啡等，直接飲佢嘅即磨咖啡☕️，再加埋咖啡cream，入口有烘焙嘅味道，飲落絲滑順口，食個下午茶再跟杯咖啡，性價比高。今日悠悠閒閒食到個高質下午茶，即刻開心晒。