鍋居火鍋專門店 (已結業)

告別一連串既考試，當然要去鼓勵下自己。再一次泥到鍋居打邊爐。先講湯底：椰青礦泉水走地雞鍋除佐欣賞個湯底好有特式之外，功夫都唔可以馬虎。店員話呢個湯底可以清熱氣，岩晒夏天咁話，而目佢叫我地要等佢滾完要等多三分鐘先好開始食啲雞，先係最好味。雞加椰子肉加湯，一啖食晒落口真係”一級棒”仲有個度既醬料都好多，我就係屬於個啲麻煩友，唔溝得多醬料就硬係覺得差咁啲野咁！呢度滿足到我！再講野食：頂級肥牛好少可見到啲冇咩筋既肥牛，啲牛地都好嫩滑，食到我吾捨得停手！而且塊塊都切到一色一樣，睇得出好花功夫。而且個啲既員工都同我地講，佢地好多客人都點頂級肥牛，證明有返咁上下水準，唔試唔得！大蝦雲吞真材實料，啲蝦真係有返咁下大隻，如果真係要比都真係有我手指尾差長 炸魚皮+響鈴炸魚皮比一般出面啲魚皮長好多，我就比較鐘意就咁食多啲，有啲出面比較麻麻既店會覺得好多粉痴佐係個咀度，但呢度冇咁既感覺！而且仲好好好脆仲有，店員話個響鈴係自己炸出泥，唔係街外一pat pat個隻，明顯都比出面脆好多！