Porker (已搬遷) 新店位置

友人介紹新開既吉列豬扒店，一響都食開銅鑼灣食咗幾十年果間店，更係要試下食新野睇下有無得同佢比美味啦～星期五晚7點幾，等咗大約30分鐘就可以入座，唔算太多人，但佢地話要1個鐘頭交枱給其他客人，心諗呢到食個餐都要成2百蚊，點解好似食快餐咁既，已經黎到試菜就算啦! 我叫咗熟成肉眼豬套餐，老公叫咗豬柳同西冷套餐。眼見其他食客既豬扒已心知不妙，面頭有一層油，因我食開果間表面係唔會見到油十分乾爽的。好啦野食黎到啦，果然個面係見到有油，底部更多，食落大家都預架啦，食到一口油，完全無酥脆既口感，敗筆! 沙律中規中矩但佢地個芝麻沙律醬，味道好濃，這個我喜歡。呢到係無得添飯同加菜的，連茶水都無提供，座位十份迫~