一門 (已結業)

海之幸飯 ($128)有前菜、麵豉湯、飲品有五六款刺身，包括三文魚、吞拿魚、帶子、海膽、蝦和三文魚籽；飯入面加咗啲腐皮絲，甜甜地，好開胃。三文魚籽咸香，刺身質素ok，但唔算好好食。前菜係蜆肉，份量多，辣辣哋幾惹味，送飯一流！芝士厚玉子 ($66)切開發現芝士內餡完全未溶，仲係成舊芝士，好失望。玉子厚身但入口嫩滑，味道唔錯。汁燒日本魷魚(原隻) ($120)魷魚軟腍彈牙，質感滑溜，有少少甜味，口感一流！熱咖啡味道香濃！