瘋狂小面 (佳德商業大廈)

營業中

休息中

今日天氣幾好，放工特別精神，就約咪友人去中環搵食，比我地發現左呢間餐廳，就入去試下啦。裝修都好有中國風，氣氛都唔錯。首先我地叫左個瘋狂大排面套餐，呢個加左底，真係勁巨型，十分滿足。我地呢個選左清湯，好香濃既豬骨湯，味道十分之吸引，真係唔錯，大排肉就入口即溶，整到好林，容易入口。另一個套餐就選左瘋狂肥腸面套餐，呢款選左紅湯，小辣，味道都好香濃，友人勁喜愛。肥腸都好入味，睇見都留曬口水，食落都唔錯。小食方面就選左涼拌木耳，酸甜都幾開胃，食完胃口大開。另一款係泡椒鳳爪，呢個都幾辣，食得辣既朋友仔一定喜歡。飲品方面就選左羅漢果冬瓜茶熱飲，呢款非常清肺解熱，甜甜地都係不錯既選擇。另一杯係烏梅汁常溫，酸甜岩曬女士們。最後重點黎啦！個甜品一點要選成都老冰粉凍食，之前食個啲勁辣，呢個甜品即時可以中和返，而且味道十分之好，我哋都好喜歡，上面有啲配料，增加口感之餘令味道更加提升。真係不錯既選擇，世界級值得一試。