影片
更多
2024-12-10
87 瀏覽
中環有一間麵店，名叫瘋狂小面，係屬於四川當地著名嘅餐廳，今次同朋友到訪，大家都點咗套餐，試下川式風味。$87就可以食正宗重慶小麵配飲品，如果點ABCD套餐都只係$109就有齊小食同甜品，中環黎講性價比幾高瘋狂豌雜麵套餐 $109叫咗一款豌豆麵套餐，瘋狂豌雜麵叫咗bb麻、bb辣。豌雜麵係餐廳推介，內包含豌豆同埋雜醬、再加埋薑蔥蒜配搭真係好夾，麵條係用新鮮水麵，煙韌彈牙，好掛汁，口感豐富。飲品叫咗羅漢果冬瓜茶，小食蒜泥青瓜，甜品成都老冰粉，口感有啲似啫哩，配料有酒槽、花生、提子乾。瘋狂大排面套餐 $118另一個套餐叫咗瘋狂大排面，揀咗紅湯小辣、bb麻，大排面其實係排骨嚟嘅，煮得都幾入味，骨肉好容易就分離，紅湯味道濃郁，用上四川鹵水加埋四川香料，係經典川式風味。同樣叫咗個羅漢果冬瓜茶，小食就揀咗高湯蒸蛋+$20，口感滑溜；甜品紅棗銀耳湯有銀耳、紅棗、杞子，冰涼輕盈
瘋狂豌雜麵套餐 $109
叫咗一款豌豆麵套餐，瘋狂豌雜麵叫咗bb麻、bb辣。豌雜麵係餐廳推介，內包含豌豆同埋雜醬、再加埋薑蔥蒜配搭真係好夾，麵條係用新鮮水麵，煙韌彈牙，好掛汁，口感豐富。飲品叫咗羅漢果冬瓜茶，小食蒜泥青瓜，甜品成都老冰粉，口感有啲似啫哩，配料有酒槽、花生、提子乾。
瘋狂大排面套餐 $118
另一個套餐叫咗瘋狂大排面，揀咗紅湯小辣、bb麻，大排面其實係排骨嚟嘅，煮得都幾入味，骨肉好容易就分離，紅湯味道濃郁，用上四川鹵水加埋四川香料，係經典川式風味。同樣叫咗個羅漢果冬瓜茶，小食就揀咗高湯蒸蛋+$20，口感滑溜；甜品紅棗銀耳湯有銀耳、紅棗、杞子，冰涼輕盈
張貼
