影片
更多
2024-05-08
36 瀏覽
之前同朋友傾開，原來中環有一間西班牙餐廳叫Quiero Mas有酒吧，仲要有室外頂層，可以一邊飲嘢一邊欣賞中環景色。好彩朋友事先提醒我要訂位，今次同另一半去，一去到已經見到滿座，好彩有訂位。我見有不少人先去酒吧飲返兩杯食啲小食，之後再轉枱食飯，這樣的安排幾好，不怕要乾等。而且餐廳嘅氛圍真係好舒服，裝修風格帶啲現代感，令人感覺好放鬆。除了情侶，當日都見到很多收工的人一齊飲杯嘢聚聚。一叫完嘢食，侍應好快就送上免費的餐前小食，是一個小多士，幾開胃。Bikini toasties from Barcelona Ham & Cheese首先我地叫了tapas ，這個bikini toast係切成三角形，內裡有火腿同芝士，多士面烘得金黃色，一望就知脆。入面的芝士和火腿融為一體，一咬入口芝士會拉絲，外脆內軟，真係好喜歡這個口感！Grilled Octopus八爪魚係煎炸到有脆皮的效果，處理手法不錯，煮到剛剛好，外皮炸得香脆，內裡仲保持住嫩滑嘅口感。下面配上薯蓉，夠creamy 同滑，可以中和較濃味的八爪魚。Suckling Pig這個燒乳豬是他們的推介。乳豬的好味程度絕對會令我想起這餐廳！乳豬烤得皮
之前同朋友傾開，原來中環有一間西班牙餐廳叫Quiero Mas有酒吧，仲要有室外頂層，可以一邊飲嘢一邊欣賞中環景色。好彩朋友事先提醒我要訂位，今次同另一半去，一去到已經見到滿座，好彩有訂位。我見有不少人先去酒吧飲返兩杯食啲小食，之後再轉枱食飯，這樣的安排幾好，不怕要乾等。而且餐廳嘅氛圍真係好舒服，裝修風格帶啲現代感，令人感覺好放鬆。除了情侶，當日都見到很多收工的人一齊飲杯嘢聚聚。
一叫完嘢食，侍應好快就送上免費的餐前小食，是一個小多士，幾開胃。
Bikini toasties from Barcelona Ham & Cheese首先我地叫了tapas ，這個bikini toast係切成三角形，內裡有火腿同芝士，多士面烘得金黃色，一望就知脆。入面的芝士和火腿融為一體，一咬入口芝士會拉絲，外脆內軟，真係好喜歡這個口感！
Grilled Octopus八爪魚係煎炸到有脆皮的效果，處理手法不錯，煮到剛剛好，外皮炸得香脆，內裡仲保持住嫩滑嘅口感。下面配上薯蓉，夠creamy 同滑，可以中和較濃味的八爪魚。
Suckling Pig這個燒乳豬是他們的推介。乳豬的好味程度絕對會令我想起這餐廳！乳豬烤得皮脆肉嫩，厚薄度剛剛好，每一口都帶伴隨豐富嘅肉汁，而且配上蜜糖芥末醬，食落清新不油膩。
Lobster Thermidor這個法式焗龍蝦米多真的已經在香港餐廳很少見，今次難得見到，一定要試吓。龍蝦肉彈牙，上面充滿了濃郁的龍蝦膏、奶油、芝士和蘑菇，味道特別，而且配上兩杯濃郁的龍蝦湯。
Broccolini
食完主菜，當然唔可以錯過試佢哋嘅甜品啦！佢哋嘅Basque Cheese Cake食落口感受到芝士軟軟嫩嫩，伴來微微嘅焦香。配上酸酸甜甜的mixed berry sorbet，即刻可以清新口腔！
最後，還品嚐咗了Gelato Pistacho，就係開心果雪糕，雪糕質地好滑順，有濃厚嘅開心果味道，完美地結束這晚餐。
本身一開始甜品打算在天台吃的，可是臨時落雨了，所以唯有下次再嘗試在天台飲酒吃甜品。另外，餐廳員工真的很熱情友善，當我在拍照的時候，他們也十分歡迎和熱情的擺pose ，十分風趣的bartender 和侍應！
張貼
