影片
更多
2024-11-03
671 瀏覽
每月一日嘅拍拖日！去咗1935食四川菜，餐廳裝潢好有格調，一面係落地玻璃，對住中環夜景，氣氛浪漫！1935原來係創辦人婆婆嘅出生年份，菜式都係沿用Grandma’s recipes呢！茶有兩款選擇: 人蔘烏龍及羅漢果茶（茶位$20），揀咗羅漢果茶，入口甘甜，飲到喉嚨好舒服，超解辣。夫妻肺片（$125）好耐冇食過夫妻肺片啦！牛雜份量十足，牛𦟌及牛肚麻辣鮮香而不嗆鼻，加入大量芝麻及蔥花，味道更香。香酥軟枕($85)好有詩意嘅菜名，原來係炸素鵝！素鵝好厚身，腐皮外面炸得香脆，層層鬆化，內裡軟綿，配特製醬汁，辣辣地，增加刺激感。金絲和田玉（Half $95)藝術品一般嘅一道前菜。冬瓜圓粒拼砌成葡萄，冬瓜皮再雕刻成樹葉，造型精緻，靚到唔捨得食呢！冬瓜粒用高湯熬過，入口鮮甜清香，解辣都一流。重慶水煮桂花魚($315)桂花魚魚肉新鮮，肉質爽彈嫩滑，而且好厚肉，啖啖肉，口感好好。湯底香料味好突出，層次豐富，唔算好辣，所以唔太食得辣嘅朋友都食到，但如果鍾意食辣嘅就可能會嫌唔夠。底下仲有薯粉，吸晒湯汁嘅精華，好惹味！四川紅燒肉($205)紅燒肉肥瘦比例剛好，滷得入味鬆化，調味唔會太濃味，而且入口毫不油膩，
茶有兩款選擇: 人蔘烏龍及羅漢果茶（茶位$20），揀咗羅漢果茶，入口甘甜，飲到喉嚨好舒服，超解辣。
夫妻肺片（$125）
好耐冇食過夫妻肺片啦！牛雜份量十足，牛𦟌及牛肚麻辣鮮香而不嗆鼻，加入大量芝麻及蔥花，味道更香。
香酥軟枕($85)
好有詩意嘅菜名，原來係炸素鵝！素鵝好厚身，腐皮外面炸得香脆，層層鬆化，內裡軟綿，配特製醬汁，辣辣地，增加刺激感。
金絲和田玉（Half $95)
藝術品一般嘅一道前菜。冬瓜圓粒拼砌成葡萄，冬瓜皮再雕刻成樹葉，造型精緻，靚到唔捨得食呢！冬瓜粒用高湯熬過，入口鮮甜清香，解辣都一流。
重慶水煮桂花魚($315)
桂花魚魚肉新鮮，肉質爽彈嫩滑，而且好厚肉，啖啖肉，口感好好。湯底香料味好突出，層次豐富，唔算好辣，所以唔太食得辣嘅朋友都食到，但如果鍾意食辣嘅就可能會嫌唔夠。底下仲有薯粉，吸晒湯汁嘅精華，好惹味！
四川紅燒肉($205)
紅燒肉肥瘦比例剛好，滷得入味鬆化，調味唔會太濃味，而且入口毫不油膩，呢個版本比較健康，大大減低邪惡感。
螞蟻上樹($105)
螞蟻上樹，即係免治豬肉炒薯粉。薯粉炒得乾爽有穫氣，毫不油膩，如果彈牙d會更有口感。
黑糖糍粑($75)
即點即整，外皮熱騰騰又香脆，內裡麻糬軟糯有彈性，黑糖漿不多不少，甜度恰到好處。
張貼
